Eu, M. Asunción Barrio Rúa, letrada da Administración de xustiza e da Sala do Social do Tribunal Superior de Xustiza de Galicia, fago saber que no recurso de suplicación 2471/2020, seguido por instancia da empresa Gero Vitalia, S.L. contra Fogasa, Geriatros, S.A., Catijo Servicios Sociales, S.L., Emma Carcacia Vázquez e Geriavi, S.A.U., sobre despedimento disciplinario, se ditou a seguinte resolución:

«Dilixencia de ordenación da letrada da Administración de xustiza Sr.a Barrio Calle.

A Coruña, 4 de decembro de 2020.

O anterior escrito, subscrito polo letrado Pablo Pilar López, en nome e representación de Gero Vitalia, S.L., únese ao recurso correspondente.

Considérase interposto o recurso de casación para unificación de doutrina. Fórmese peza separada que se encabezará con testemuño da sentenza ditada por esta sala.

Emprázanse as demais partes para que comparezan, mediante escrito de letrado, ante a Sala do Social do Tribunal Supremo dentro do prazo de dez días.

Unha vez verificado, remítanse as actuacións ao dito tribunal.

A parte recorrente enténdese comparecida de dereito coa remisión das actuacións.

Comuníquese ao Xulgado do Social número 2 de Ourense que se recorreu en casación para unificación de doutrina contra a resolución desta sala.

Notifíquese ás partes e fágaselles saber que contra a presente resolución non cabe recurso ningún.

Acórdoo e asínoo. Dou fe».

E para que sirva de notificación en legal forma á empresa Catijo Servicios Sociales, S.L., en ignorado paradoiro, expido o presente edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 7 de decembro de 2020

A letrada da Administración de xustiza