Eu, María Isabel Freire Corzo, letrada da Administración de xustiza da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 3320/2020, seguido por instancia de José Pérez Pazos contra a UTE El Cielo de Vigo y Otros, sobre despedimento disciplinario, se ditou a seguinte resolución:

«Que, rexeitando o recurso de suplicación interposto pola graduada social Verónica García Fernández, actuando en nome e representación de José Pérez Pazos, contra a Sentenza do 6 de xullo de 2020, ditada polo Xulgado do Social número 1 de Vigo, nos autos 84/2020, sobre despedimento e reclamación de cantidade, seguidos por instancia do recorrente contra as empresas Fermín Group Ibérica, S.L.; Colaper Personal, S.L. e a UTE El Cielo de Vigo, debemos confirmar e confirmamos na súa integridade a sentenza de instancia.

Modo de impugnación: fáiselles saber ás partes que contra esta sentenza cabe interpor recurso de casación para a unificación de doutrina que se debe preparar mediante escrito presentado ante esta sala dentro do improrrogable prazo dos dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público da Seguridade Social, deberá efectuar:

– O depósito de 600 € na conta de 16 díxitos desta sala, aberta no Banco Santander (Banesto) co nº 1552 0000 37, seguida dos catro díxitos correspondentes ao nº do recurso e dous díxitos do ano deste.

– Así mesmo, se hai cantidade de condena, deberá consignala na mesma conta pero co código 80 en vez do 37, ou ben presentar aval bancario solidario na forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo de observacións ou concepto da transferencia os 16 díxitos que corresponden ao procedemento (1552 0000 80 ou 37 **** ++).

Unha vez firme, expídase a certificación para constancia na peza que se arquivará neste tribunal e incorpórese o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta nosa sentencia, pronunciámolo, mandámolo e asinámolo».

E para que sirva de notificación ás entidades Fermín Group Ibérica, S.L. e Colaper Personal, S.L., actualmente en paradoiros ignorados, expido o presente edicto para a súa inserción no Diario Oficial de Galicia.

Advírtese as destinatarias de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

A Coruña, 1 de decembro de 2020

A letrada da Administración de xustiza