O Pleno da Corporación da Deputación Provincial da Coruña, na sesión ordinaria celebrada o 30 de outubro de 2020, adoptou o seguinte acordo:
«Aprobación da aceptación da delegación de competencias na Deputación da Coruña para prestar servizos de control financeiro ao Concello de Cee.
Primeiro. Aceptar a delegación relativa ao exercicio das funcións de control financeiro sobre as subvencións pagadas polo Concello de Cee.
Segundo. Aceptar a delegación da instrución e resolución dos expedientes de reintegro e sancionadores derivados dos informes de control financeiro que se emitan en virtude da delegación anterior, así como a liquidación e recadación, tanto en período voluntario coma en executivo dos ingresos de dereito público resultantes.
Para este efecto, resultarán tamén de aplicación a esta delegación as bases para a prestación de servizos tributarios aos concellos da provincia.
Terceiro. Publicar o acordo, de ser o caso, adoptado polo Pleno provincial, no Boletín Oficial da provincia da Coruña no Diario Oficial de Galicia.
Cuarto. A delegación das competencias entrará en vigor unha vez que sexa publicado o acordo definitivo no Boletín Oficial da provincia e no Diario Oficial de Galicia, e o seu exercicio levarase a cabo nos termos establecidos nas bases para a prestación de servizos de control financeiro aos concellos de ata 10.000 habitantes da provincia, aprobadas para o efecto por esta deputación provincial».
O que se fai público para xeral coñecemento.
A Coruña, 30 de outubro de 2020
Valentín González Formoso |
José Luis Almau Supervía |