Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 76/2020 deste xulgado do social, seguido por instancia de Dolores Otero Castro contra Junior's Servicios Integrales, S.L., Edificios Docentes de Santiago, S.L., Colegio Junior’s, S.L., Fundación Junior's Caesga, S.L. e Fogasa sobre despedimento, se ditou a seguinte resolución:

«Decreto nº 34/2020.

Letrada da Administración de xustiza: María Teresa Vázquez Abades.

Santiago de Compostela, 25 de novembro de 2020.

Parte dispositiva:

Acordo:

a) Declarar as executadas Junior's Servicios Integrales, S.L., Edificios Docentes de Santiago, S.L., Colegio Junior’s, S.L., Fundación Junior's Caesga, S.L., en situación de insolvencia total por importe de 51.957,87 euros en concepto de principal (33.235,36 en concepto de indemnización, 8.969,05 en concepto de salarios, 616,78 euros en concepto de xuros do art. 29.3 do ET sobre a cantidade anterior e 9.136,08 euros en concepto de salarios de tramitación) e de 5.195,78 euros en concepto provisional de xuros de demora e custas calculadas segundo o criterio do 251.1 da LXS, insolvencia que se entenderá para todos os efectos como provisional.

b) Arquivar as actuacións logo de anotación no libro correspondente, sen prexuízo de reaperturar a execución, se en diante se coñecen novos bens das executadas.

c) Deixar sen efecto, a dilixencia de ordenación de data 17.11.2020, tendo en conta que a insolvencia cuxa anotación se solicitaba fora acordada no procedemento deste xulgado, execución de títulos xudiciais 173/2019 e non nestas actuacións. A tales fins librese mandamento cancelatorio ao Rexistro Mercantil de Santiago.

d) Firme que sexa a presente resolución procédase á súa inscrición no rexistro correspondente.

Modo de impugnación: contra a presente resolución cabe recurso directo de revisión que deberá interpoñerse ante quen dita a resolución no prazo de tres días hábiles seguintes á notificación da mesma con expresión da infracción cometida nesta a xuízo do recorrente, artigo 188 da LXS. O recorrente que non teña a condición de traballador ou beneficiario de réxime público da Seguridade Social deberá facer un depósito para recorrer de 25 euros, na conta nº 0049 3569 9200 0500 1274 no Banco Santander, S.A. debendo indicar no campo concepto, “recurso” seguida do código “31 Social-Revisión de resolucións letrado da Administración de xustiza”. Se o ingreso se fai mediante transferencia bancaria deberá incluír tras a conta referida, separados por un espazo coa indicación “recurso” seguida do “31 Social-Revisión de resolucións letrado da Administración de xustiza”. Se efectuare diversos pagamentos na mesma conta deberá especificar un ingreso por cada concepto, mesmo se obedecen a outros recursos desta ou distinta clase indicando no campo de observacións a data da resolución recorrida utilizando o formato dd/mm/aaaa. Quedan exentos do seu abonamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.

Letrada da Administración de xustiza».

E para que sirva de notificación en legal forma a Junior's Servizos Integrais, S.L., Edificios Docentes de Santiago, S.L., Colegio Junior’s, S.L., Fundación Junior's Caesga, S.L., en ignorado paradoiro, expido o presente para a súa inserción no Diario Oficial de Galicia.

Advírtese as destinatarias que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.

Santiago de Compostela, 26 de novembro de 2020

A letrada da Administración de xustiza