Ante este Xurado Provincial de Clasificación de Montes Veciñais en Man Común tramítase o expediente de clasificación do monte coas seguintes características:

– Expediente: 4/2020.

– Denominación: Louseiras de Alba.

– Comunidade propietaria: veciños/as da parroquia de San Xoán de Alba.

– Concello: Vilalba.

– Superficie: 21,2 hectáreas.

Na seguinte táboa indícase a parcela obxecto de clasificación, así como as estremeiras. O plano que figura no anexo, ao final deste anuncio, facilita a súa localización.

Parcela obxecto de clasificación	Parcelas estremeiras
27065A14701065 (parcialmente)	Norte	27065A14809012 (camiño)
	Leste	27065A14701156 27065A14701157 27065A14701169 27065A14701168 27065A14701172 27065A14701172 27065A14701174 27065A14701175 27065A14701071 27065A14701070
	Sur	27065A14701065 (MVMC Louseiras Torre) 27065A14709015
	Oeste	27065A14709001 (recurso de auga) 27065A14700490 27065A14700492 27065A14700494 27065A14700496 27065A14701155 27065A14701152 27065A14701152 27065A14701151 27065A14709037 (rego Ferreiroa)

En virtude do acordado polo xurado na sesión do 27.7.2020 e en cumprimento da orde do instrutor, conforme o disposto na Lei 13/1989, do 10 de outubro, de montes veciñais en man común, mediante este anuncio faise pública a iniciación do expediente para a posible clasificación do monte indicado.

Ábrese un período dun mes, contado desde o día seguinte ao da súa publicación no Diario Oficial de Galicia, para que os interesados poidan intervir no expediente e formular as alegacións que coiden oportunas, así como achegar os documentos ou informacións que xulguen convenientes, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Lugo, 10 de decembro de 2020

Mª Olga Iglesias Fontal
Presidenta do Xurado Provincial de Clasificación de
Montes Veciñais en Man Común de Lugo