Publícase o presente anuncio de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, e co disposto no artigo 22.3 da Lei 3/2007, do 9 de abril, por intento infrutuoso de notificación ao interesado. Polo que por medio deste, se pon de manifesto á persoa responsable que a seguir se indica, o deber de xestión da biomasa e retirada de especies arbóreas prohibidas, imposto pola Lei 3/2007, do 9 de abril, de prevención e defensa contra os incendios forestais.

Expediente	Ref. catastral	Localización	Responsable
2019/V001/000026	15020A00201753	Lariño-Carnota	Poalsa Inmobiliaria, S.L.
2019/V001/000026	15020A00201754	Lariño-Carnota	Poalsa Inmobiliaria, S.L.
2019/V001/000026	15020A00201755	Lariño-Carnota	Poalsa Inmobiliaria, S.L.

1. En virtude de canto antecede, comunícaselle á persoa responsable que dispón dun prazo máximo de 15 días naturais para o cumprimento voluntario do deber de xestión da biomasa das parcelas indicadas, que se iniciará o día seguinte ao da publicación do presente anuncio no BOE.

2. En caso de persistencia no incumprimento transcorrido dito prazo, o Concello procederá, sen máis trámites, á execución subsidiaria con repercusión dos custos de xestión da biomasa e, de ser o caso, comiso das especies arbóreas prohibidas retiradas pola Administración, nas condicións establecidas no artigo 22.2 da Lei 3/2007, do 9 de abril, de prevención e defensa contra os incendios forestais.

As persoas titulares dos terreos ou de dereitos de aproveitamento sobre eles teñen o deber legal de facilitar o necesario acceso para a realización dos traballos de xestión da biomasa e retirada de especies arbóreas prohibidas. O suxeito que realice os traballos terá a facultade de acceder sen consentimento da persoa titular, agás naqueles supostos excepcionais en que o acceso afecte, dentro da parcela, espazos físicos susceptibles de merecer a cualificación de domicilio para os efectos do 18.2 da Constitución.

Procederase a devindicación inmediata, no caso de persistencia no incumprimento, da liquidación provisional que ascenderá a 874,91 por ha, sen prexuízo da liquidación definitiva unha vez realizados os traballos, de ser o caso.

3. En caso de persistencia no incumprimento, e transcorrido o prazo outorgado, iniciarase o correspondente expediente sancionador, tendo en conta o seguinte:

a) A administración competente para sancionar é a municipal, dado que se incumpren os deberes de xestión e retirada en solo urbano. Artigo 54 da Lei 3/2007.

b) A cualificación da infracción sería leve, de conformidade co artigo 51.3.c) da Lei 3/2007, do 9 de abril.

c) A contía da sanción será de 100 a 1.000 €, de conformidade co artigo 74.a) da Lei 43/2003, do 21 de novembro, de montes, en relación co 50.1 da Lei 3/2007.

d) Procederase ao comiso cautelar da madeira resultante da tala de especies arbóreas que deban ser retiradas.

4. O expediente administrativo estará á disposición das persoas interesadas nas dependencias do Concello de Carnota.

Carnota, 27 de novembro de 2020

Juan Manuel Saborido Rama
Alcalde