Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 1287/2017 por instancia de Alberto Purriños Pérez contra Carcor 2011, S.L. sobre procedemento ordinario, nos cales foi pronunciada Sentenza no 20 de outubro de 2020 que, copiada nos particulares necesarios, di así:

Decido estimar a demanda formulada por Alberto Purriños Pérez contra empresa Carcor, 2011, S.L. e, en consecuencia:

– Condénase a empresa Carcor 2011, S.L. a aboar ao demandante a cantidade de tres mil setenta e oito euros con dous céntimos de euro (3.078,02 euros) que producen o xuro moratorio do 10 %.

Notifíquese a presente resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes á notificación desta resolución, para o cal será suficiente a manifestación da parte ou do seu avogado, graduado social colexiado ou representante dentro do indicado prazo.

Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.

Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña.

E para que conste, para os efectos da súa publicación no Diario Oficial de Galicia, co fin de que sirva de notificación en forma á empresa Carcor 2011, S.L. expido e asino este edicto.

A Coruña, 20 de novembro de 2020

A letrada da Administración de xustiza