Ao estaren vacantes os postos de traballo que se indican no anexo I desta resolución e ser necesaria a súa provisión, o xerente, no exercicio das competencias delegadas que se lle recoñecen mediante a Resolución reitoral do 30 de abril de 2020 e de conformidade co previsto na Lei 2/2015, do 29 de abril, do emprego público de Galicia, no artigo 16 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna e no Regulamento de mobilidade de PAS funcionario da Universidade de Santiago de Compostela, aprobado en Consello de Goberno do 30 de outubro de 2020, resolve convocar a súa provisión mediante o procedemento de libre designación, con suxeición ás seguintes bases da convocatoria:
Primeira. Poderán participar as persoas funcionarias de carreira que reúnan os requisitos que se exixen e se especifican no anexo I.
Segunda. A solicitude para participar figura como anexo II desta convocatoria e presentarase unicamente a través do Rexistro Electrónico da USC, https://sede.usc.es/sede/publica/persoais/rexistroEntrada/acceso.htm, no prazo de quince días hábiles contados a partir do seguinte ao da publicación desta convocatoria no Diario Oficial de Galicia.
Terceira. A solicitude deberá presentarse acompañada dun curriculum vitae e deberán xustificarse documentalmente os méritos que se aleguen, agás que consten acreditados no expediente persoal dos/das aspirantes.
Cuarta. As persoas funcionarias de carreira que desempeñen en comisión de servizos un posto de libre designación incluído nesta convocatoria de provisión terán a obriga de participar. O incumprimento desta obriga dará lugar á revogación da comisión de servizos.
Quinta. No caso de resultar seleccionado persoal funcionario con destino noutra Administración pública, requirirase o informe favorable do departamento a que figure adscrito.
Sexta. A resolución desta convocatoria farase pública no Diario Oficial de Galicia e poderá declararse deserto o posto de traballo, de considerarse oportuno.
Contra a presente resolución, que esgota a vía administrativa, poderase interpor un recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpor un recurso potestativo de reposición no prazo dun mes ante o órgano que a ditou. Neste caso non se poderá interpor o recurso contencioso-administrativo antedito mentres non se dite resolución expresa ou presunta do recurso administrativo de reposición, ao abeiro dos artigos 123 e seguintes da Lei 39/2015, do 1 de outubro, do procedemento administrativo común das administracións públicas.
Santiago de Compostela, 3 de decembro de 2020
Antonio Javier Ferreira Fernández
Xerente da Universidade de Santiago de Compostela
ANEXO I
Denominación do posto: responsable da Unidade de Xestión Administrativa. Xerencia.
Número de praza: PF000967.
Subgrupo: A2/C1/C2.
Nivel: 22.
Complemento específico: 11.953,06.
Quenda: mañá.
Localidade: Santiago de Compostela.
Denominación do posto: secretaría da Reitoría.
Número de praza: PF000273.
Subgrupo: C1/C2.
Nivel: 20.
Complemento específico: 9.455,32.
Quenda: mañá.
Localidade: Santiago de Compostela.
Denominación do posto: secretaría de dirección da Vicerreitoría de Investigación e Innovación.
Número de praza: PF000276.
Subgrupo: C1/C2.
Nivel: 20.
Complemento específico: 9.455,32.
Quenda: mañá.
Localidade: Santiago de Compostela.
Denominación do posto: secretaría de dirección da Vicerreitoría de Profesorado.
Número de praza: PF000894.
Subgrupo: C1/C2.
Nivel: 20.
Complemento específico: 9.455,32.
Quenda: mañá.
Localidade: Santiago de Compostela.