En cumprimento do previsto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia:

«3. Cando non se poida determinar a identidade da persoa responsable da xestión da biomasa vexetal e retirada de especies arbóreas prohibidas ou resulte infrutuosa a notificación da comunicación a que se refire o número anterior, esta efectuarase mediante un anuncio no Boletín Oficial del Estado e no Diario Oficial de Galicia, no cal se incluirán os datos catastrais da parcela. Nestes supostos o prazo para o cumprimento computarase desde a publicación do anuncio no Boletín Oficial del Estado».

Por non se poderen efectuar as notificacións ao tratarse de propietarios descoñecidos, fanse públicas as notificacións de trámite de audiencia no procedemento de execución forzosa, mediante execución subsidiaria polo Concello, para comparecencia das persoas interesadas.

Nº expte.	Asunto	Propietario	Ref. catastral-Localización da parcela
864/2019	Execución subsidiaria polo Concello da xestión da biomasa vexetal de parcela e retirada das especies arbóreas prohibidas. Liquid. provisional dos traballos 3.545,30 €.	Descoñecido	36005A042001550000TO na Requeixada, Nartallo, Santo André de Cesar
1458/2019	Execución subsidiaria polo Concello da xestión da biomasa vexetal de parcela e retirada das especies arbóreas prohibidas. Liquid. provisional dos traballos 1.391,50 €.	Descoñecido	36005B518220250000ZH sita en Gundiñáns-Saiar

As persoas interesadas interesados dispoñen dun prazo de dez (10) días, contados a partir do día seguinte ao da publicación do anuncio no BOE, para examinaren o expediente no Departamento de Urbanismo do Concello de Caldas de Reis, das 9.00 ás 14.00 horas, de luns a venres, e, de ser o caso, para presentaren alegacións ou calquera escrito en defensa dos seus intereses.

Contra este acto, por tratarse dun acto de trámite, non cabe recurso.

Caldas de Reis, 13 de novembro de 2020

Juan Manuel Rey Rey
Alcalde presidente