O Decreto 25/2001, do 18 de xaneiro, polo que se regula a organización e o funcionamento do Consello Galego de Cooperativas, en desenvolvemento das previsións contidas na súa norma de creación, a Lei 5/1998, do 18 de decembro, de cooperativas de Galicia, regula no seu artigo 4 a composición do Consello; no artigo 5, o procedemento de nomeamento e cesamento dos seus membros, e no artigo 6, a duración do mandato e substitucións.

Os actuais membros do Consello Galego de Cooperativas foron nomeados pola Orde do 16 de outubro de 2017 pola que se procede ao nomeamento de membros do Consello Galego de Cooperativas, e polas ordes do 27 de xuño de 2018, do 4 de setembro de 2018, do 7 de novembro de 2019 e do 2 de marzo de 2020 polas que se procede ao cesamento e nomeamento de membros do Consello Galego de Cooperativas.

Os cambios de adscrición producidos na Consellería de Emprego e Igualdade e na Consellería de Cultura, Educación e Universidade fan necesario substituír as persoas titulares representantes das ditas consellerías.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta de Galicia e da súa Presidencia, e o artigo 5 do Decreto 25/2001, do 18 de xaneiro, polo que se regulan a organización e o funcionamento do Consello Galego de Cooperativas,

RESOLVO:

Primeiro

Que cese Pablo Casal Espido como vogal titular en representación da Consellería de Emprego e Igualdade e José Manuel Pinal Rodríguez como vogal titular en representación da Consellería de Cultura, Educación e Universidade.

Segundo

Nomear a José Ramón Pardo Cabarcos como vogal titular en representación da Consellería de Emprego e Igualdade e a José Luis Mira Lema como vogal titular en representación da Consellería de Cultura, Educación e Universidade.

Contra esta orde poderase interpor, potestativamente, recurso de reposición ante a conselleira de Emprego e Igualdade no prazo dun (1) mes contado desde o día seguinte ao da súa publicación, de conformidade co establecido no artigo 123 da Lei 39/2015, do 1 de outubro, do procedemento administrativo común das administracións públicas, ou interpor directamente recurso contencioso-administrativo ante o Tribunal Superior de Xustiza de Galicia, no prazo de dous (2) meses, contados desde o día seguinte ao da súa publicación, de conformidade co establecido no artigo 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 16 de novembro de 2020

Mª Jesús Lorenzana Somoza
Conselleira de Emprego e Igualdade