Visto o expediente para outorgamento de autorización administrativa previa e autorización administrativa de construción para a instalación eléctrica que a continuación se describe:

Solicitante: Metrovacesa, S.A.

Domicilio social: Quintanavides, 13, 28050 Madrid.

Denominación: LMTS, CT bloque 1, vial 1, parcela 46E-unidad actuación 07.

Situación: Pontevedra.

Características técnicas: LMT subterránea a 20 kV, con condutor RHZ1, de 43 metros de lonxitude, con orixe e final na LMTS MUR822, entre os CCTT 36XN9 e 36XN8, facendo entrada e saída no centro de transformación proxectado no bloque 1, vial 1, parcela 46E-unidade actuación 07. Centro de transformación a 630 kVA, con r.t. 20 kV/400 V, situado no bloque 1, vial 1, parcela 46E-unidade actuación 07, avenida de Buenos Aires, Pontevedra.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 5/2017, do 19 de outubro, de fomento da implantación de iniciativas empresariais en Galicia, DOG nº 203 do 25 de outubro, esta xefatura territorial resolve:

Conceder autorización administrativa previa e autorización administrativa de construción para a dita instalación, cuxas características se axustarán en todas as súas partes ás que figuran no proxecto de execución e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución, que non é definitiva en vía administrativa, cabe interpoñer recurso de alzada ante o vicepresidente segundo e conselleiro de Economía, Empresa e Innovación no prazo dun mes, contado a partir do día seguinte ao da notificación ou publicación desta resolución, conforme o establecido no artigo 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 13 de novembro de 2020

O xefe territorial de Pontevedra
DT 2ª do Decreto 130/2020, do 17 de setembro
P.A. (Decreto135/2017, artigos 62.3 e 63.1)
Ana María Rodríguez Senra
Xefa do Servizo de Coordinación Administrativa e Xestión Económica