DOG 214 do 23/10/2020 - CORRECCIÓN DE ERROS. Orde do 22 de xullo de 2020 pola que se establecen as bases reguladoras e a convocatoria, para o ano 2020, de concesión de axudas, en réxime de concorrencia competitiva, ás organizacións de produtores pesqueiros do sector dos produtos da pesca e da acuicultura no ámbito exclusivo da Comunidade Autónoma de Galicia, para a preparación e aplicación dos plans de produción e comercialización, cofinanciadas co Fondo Europeo Marítimo e de Pesca (FEMP) (código de procedemento PE155C).

III. Outras disposicións

Consellería do Mar

CORRECCIÓN DE ERROS. Orde do 22 de xullo de 2020 pola que se establecen as bases reguladoras e a convocatoria, para o ano 2020, de concesión de axudas, en réxime de concorrencia competitiva, ás organizacións de produtores pesqueiros do sector dos produtos da pesca e da acuicultura no ámbito exclusivo da Comunidade Autónoma de Galicia, para a preparación e aplicación dos plans de produción e comercialización, cofinanciadas co Fondo Europeo Marítimo e de Pesca (FEMP) (código de procedemento PE155C).

Advertido erro na dita orde, publicada no Diario Oficial de Galicia número 159, do 10 de agosto de 2020, é necesario efectuar a seguinte rectificación:

Na páxina 31686, punto 3, do artigo 8, onde di:

«3. Os gastos, para ter a consideración de subvencionables, deberán terse realizado e deberán ter as correspondentes facturas emitidas durante o período de execución do PPEC aprobado. O inicio deste período de execución será o 1 de xaneiro da anualidade correspondente ou a data de sinatura da resolución pola que se aproba ou modifica o PPEC no caso de que sexa posterior. O fin deste período de execución será o 31 de decembro da anualidade correspondente ou a data da inspección/acta que certifica a fin de obra no caso de que sexa anterior. Quedan exceptuados de ter que realizarse durante o período de execución antes sinalado os gastos do informe de auditor, así como os gastos efectuados pola preparación do PPEC e o informe anual, que terán a consideración de subvencionables aínda que se realicen fóra do dito período de execución».

Debe dicir:

«3. Os gastos, para ter a consideración de subvencionables, deberán terse realizado e deberán ter as correspondentes facturas emitidas durante o período de execución do PPEC aprobado. O inicio deste período de execución será o 1 de xaneiro da anualidade correspondente ou a data de sinatura da resolución pola que se aproba ou modifica o PPEC no caso de que sexa posterior. A fin deste período de execución será o 31 de decembro da anualidade correspondente ou a data da inspección/acta que certifica a fin de obra no caso de que sexa anterior. Quedan exceptuados de ter que realizarse durante o período de execución antes sinalado os gastos do informe de auditor, así como os gastos efectuados pola preparación do PPEC, o informe anual e aqueles gastos que proveñan de anualidades anteriores que non fosen rematados na dita anualidade e que así estea informado no seu expediente e que estean aprobados no informe anual, que terán a consideración de subvencionables aínda que se realicen fóra do dito período de execución».

A publicación da presente corrección de erros non modifica o prazo de presentación de solicitudes sinalado no artigo 14 da citada Orde do 22 de xullo de 2020.