Intentadas as notificacións persoais e devoltas polo servizo de Correos ao resultar imposible a súa práctica, de conformidade co establecido no artigo 44 da Lei 39/2015, do 1 de outubro, do procedemento administrativo común das administracións públicas, pola presente resolución, ponse en coñecemento dos titulares dos expedientes relacionados no anexo a esta resolución, que o director xeral do Igape acordou iniciar o procedemento de incumprimento das condicións impostas nas resolucións de concesión das axudas outorgadas, co obxecto de determinar o alcance do incumprimento, que podería dar lugar á revogación das axudas concedidas.
Os actos obxecto do presente anuncio non se publican na súa integridade en virtude da cautela prevista no artigo 46 da Lei 39/2015. Concédeselles aos titulares dos expedientes un prazo de quince días hábiles desde a publicación desta resolución no Boletín Oficial del Estado para presentar alegacións co fin de xustificar a non procedencia destes presuntos incumprimentos. Os expedientes póñense de manifesto aos interesados neste centro directivo sito en Santiago de Compostela, complexo administrativo San Lázaro, s/n.
Santiago de Compostela, 21 de setembro de 2020
Juan Manuel Cividanes Roger
Director xeral do Instituto Galego de Promoción Económica
ANEXO
Nº de expediente |
NIF/razón social |
Programa de axudas |
Data da resolución |
Órgano que dita a resolución |
Notificación |
IG100.2014.1.54 |
Gestión de Biomasas del Noroeste, S.L. |
Axudas para proxectos de investimento para a creación dun novo establecemento, ampliación, diversificación da produción ou cambio no proceso de produción, cofinanciados polo Fondo Europeo de Desenvolvemento Rexional, no marco do programa operativo Feder Galicia 2007-2013 (Galicia Inviste). Resolución do 5 de decembro de 2013 (DOG nº 238, do 13 de decembro) |
3.4.2020 |
Director xeral do Igape |
Acordo de inicio de expediente de incumprimento total |
IG107.2015.1.11 |
Domotecnología y Seguridad, S.L. |
Axudas para novos emprendedores, cofinanciadas polo Fondo Europeo de Desenvolvemento Rexional no marco do programa operativo Feder Galicia 2007-2013 (Galicia Emprende) (Resolución do 19 de decembro de 2014, DOG nº 248, do 29 de decembro) |
14.2.2020 |
Director xeral do Igape |
Acordo de inicio de expediente de incumprimento total |