Antecedentes:

Por Resolución do director da Axencia Galega de Infraestruturas do 18 de agosto de 2020 aprobouse provisionalmente o contido do documento para información pública do proxecto de mellora da seguridade viaria na estrada PO-224, p.q. 2+440-2+830, Santo André de Xeve, de clave PO/20/030.06.

Para os efectos previstos no artigo 21.1 da Lei 8/2013, do 28 de xuño, de estradas de Galicia, sométese ao trámite de información pública o documento para información pública do proxecto de mellora da seguridade viaria na estrada PO-224, p.q. 2+440-2+830, Santo André de Xeve, de clave PO/20/030.06.

O obxecto deste proxecto é definir, xustificar e valorar as obras necesarias para levar a cabo unha serie de actuacións que permitan mellorar a seguridade viaria na contorna da intersección da estrada PO-224 coa estrada PO-223, polo que serán necesarias as seguintes actuacións:

• Mellorar a intersección en cruz existente entre as estradas PO-223 e PO-224 con regulación semafórica, mediante a execución dunha glorieta e creación de beirarrúas na súa contorna.

• Proxectar un itinerario peonil e ciclista na PO-224, de conexión do núcleo poboacional de Sobral co colexio CEIP Santo André de Xeve.

• Reordenar o espazo público e ampliación das zonas de aparcadoiro no ámbito do colexio CEIP Santo André de Xeve.

• Relocalización e mellora das paradas de autobús existentes na zona.

Considerando todo o exposto e o establecido na normativa vixente,

RESOLVO:

Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia, o mencionado proxecto de construción sométese ao trámite de información pública durante un período de trinta (30) días hábiles, contados a partir do seguinte ao da publicación deste anuncio no Diario Oficial Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.

Segundo. Que simultaneamente ao trámite sinalado no parágrafo anterior, e para os efectos previstos no artigo 56.1 do Decreto do 26 de abril de 1957, polo que se aproba o Regulamento de expropiación forzosa, sométese a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.

Terceiro. Do mesmo xeito, sométese o presente proxecto a información pública para os efectos do establecido no Real decreto 849/1986, do 11 de abril, polo que se aproba o Regulamento do dominio público hidráulico, en relación coa protección do dominio público hidráulico e coas actuacións neste ou na súa zona de policía.

Cuarto. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas de Pontevedra (avda. María Victoria Moreno, 43-1º, 36071 Pontevedra) e na Casa do Concello de Pontevedra (rúa Michelena, 30, 36071 Pontevedra). Así mesmo, na páxina web da Consellería de Infraestruturas e Mobilidade (https://infraestruturasemobilidade.xunta.gal/organizacion/c/CIV_Axencia_Galega_de_Infraestruturas) atópase a disposición dos interesados o documento completo para información pública.

Santiago de Compostela, 16 de setembro de 2020

Francisco Menéndez Iglesias
Director da Axencia Galega de Infraestruturas

ANEXO

Relación de bens, dereitos e propietarios afectados

Proxecto de construción.

MSV na estrada PO-224, p.q. 2+440-2+830, Santo André de Xeve.

Clave: PO/20/030.06.

Concello de Pontevedra.

Clasificación: solo non urbanizable común.

Situación básica do solo: rural.

Núm. parcela	Ref. catastral	Polígono	Parcela	Titular	NIF	Uso	Superficie catastral	Superficie afectada	Ocupación temporal	Bens afectados
001	36900A27800063	278	00063	Fontán Pérez, Carina	***1911**	Residencial	2.252	25,50
002	36900A27800064	278	00064	Fontán Pérez, Carina	***1911**	Agrario	1.366	1,366,00
003	36900A23800029	238	00029	Fraga Abilleira, Vicente	***2445**	Agrario	1.139	21,25		– Murete de pedra 23 m2
004	36900A23800028	238	00028	Fraga Abilleira, Vicente	***2445**	Agrario	179	121,50		– Murete de pedra + recuamento + contador 8 m2 + 1 ud.
005	36900A23800027	238	00027	Fraga Abilleira, Vicente	***2445**	Agrario	162	145,50		– Murete de pedra 4 m2
006	36900A23800140	238	00140	Fraga Abilleira, Vicente	***2445**	Agrario	383	951,00		– Peche malla torsión e poste de formigón 55 ml
007	36900A23800083	238	00083	Concello de Pontevedra	P3603800H	Agrario	20.193	688,50
008	36900A27800094	278	00094	Comunidade veciñal de montes en man común de Sta. María de Xeve	***1058**	Industrial	98.425	1.107,25		– Muro de perpiaño + árbore madeirable + árbore ornamental/froiteira. 15 m2 + 1 ud. + 5 ud.
009	36900A27800073	278	00073	Solla Couto, Mª Pilar	***4923**	Agrario	1.026	498,50		– Muro de perpiaño + recuamento. Portal metálico + peche malla torsión e poste formigón + enreixado de fundición, aceiro + recuamento contador + viñedo. 60 m2 + 2 ud. + 48 ml + 23 ml + 2 ud. + 248 m2
010	36900A27700134	277	00134	Fernández Couto, Celia	***2499**	Agrario	99	2,00
011	36900A27700132	277	00132	Fernández Couto, Celia	***2499**	Industrial	3.339	269,00		– Muro de pedra taqueada + recuamento portal metálico + árbore ornamental/froiteira + edificación alpendre. 104 m2 + 1 ud. + 3 ud. + 16 m2
012	36900A27700133	277	00133	Fernández Couto, Celia	***2499**	Agrario	183,00	9,00	11,00	– Muro de pedra taqueada + recuamento portal metálico + columna de pedra + panel de peche de fundición/aceiro. 24 m2 + 1 ud. + 4 m + 5 ml
013	36900A27700078	277	00078	Fernández Couto, Mª Primitiva	***2526**	Agrario	1.650	65,50
014	36900A27700074	277	00074	En investigación, artigo 47 da Lei 33/2003	-----	Agrario	346	155,00		– Murete de pedra + árbore madeirable. 8 m2 + 2 ud.
015	36900A27700073	277	00073	Fontán González, Leonor	***8559**	Agrario	76	52,50		– Murete de pedra. 13 m2