Eu, Belén Menéndez Medel, letrada da Administración de xustiza do Xulgado do Social número 1 de Santiago de Compostela, fago saber que por resolución ditada no día da data, no proceso seguido por instancia de María Dolores González Loureiro contra Innovis Laboratorios, S.L.U. e Novocat Farma, S.A., en reclamación de cantidade, rexistrado como procedemento ordinario 366/2018, se acordou, en cumprimento do que dispón o artigo 59 da LXS, citar Innovis Laboratorios, S.L.U. e Novocat Farma, S.A., en ignorado paradoiro, co fin de que comparezan o día 24 de novembro de 2020, ás 13.50 horas, na planta baixa, sala 1, edificio da rúa Berlín, para a celebración dos actos de conciliación e, se for o caso, xuízo, actos a que poden comparecer persoalmente ou mediante persoa legalmente apoderada, e que deberán acudir con todos os medios de proba de que se tenten valer, coa advertencia de que é única convocatoria e que os devanditos actos non se suspenderán por falta inxustificada de asistencia.
Advírtese ás destinatarias que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
En caso de que pretendan comparecer ao acto do xuízo asistidas de avogado ou representadas tecnicamente por graduado social colexiado, ou representadas por procurador, poñerán esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención á demandante, poida estar estas representadas tecnicamente por graduado social colexiado, ou representada por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de se valer no acto de xuízo de avogado, procurador ou graduado social colexiado.
E para que sirva de citación a Innovis Laboratorios, S.L.U. e Novocat Farma, S.A., expídese este edicto cédula para a súa publicación no Diario Oficial de Galicia e colocación no taboleiro de anuncios deste xulgado.
Santiago de Compostela, 2 de setembro de 2020
A letrada da Administración de xustiza
