Eu, Belén Menéndez Medel, letrada da Administración de xustiza do Xulgado do Social número 4 de Santiago de Compostela, fago saber que mediante resolución ditada non día da data, non proceso seguido por instancia de Noelia Ces Vieito contra Colegio Junior’s, S.L., en reclamación por despedimento, rexistrado co número 257/2020, se acordou, en cumprimento do que dispón o artigo 59 da Lei reguladora da xurisdición social (LXS), citar Colegio Junior’s, en ignorado paradoiro, co fin de que compareza o día 12 de novembro de 2020, ás 9.50 horas, para o acto de conciliación, na planta segunda, oficina xudicial, e, de ser o caso, ás 10.00 horas para o acto de xuízo, na planta baixa, sala 3, no edificio da rúa Berlín. Poderá comparecer persoalmente ou mediante persoa legalmente apoderada e deberá acudir con todos os medios de proba de que se tente valer, coa advertencia de que é única convocatoria e de que estes actos non se suspenderán por falta inxustificada de asistencia.

Advírtese á demandada que a parte demandante solicitou a proba de interrogatorio do representante legal da empresa demandada e que, no caso de ser admitida e non comparecer sen xusta causa, poderán considerarse recoñecidos como certos na sentenza os feitos a que se refiran as preguntas.

Así mesmo, a parte demandante solicitou a proba documental consistente na achega no acto de xuízo dos contratos de traballo asinados coa traballadora, todos os xustificantes de pagamento das cantidades entregadas á traballadora desde xaneiro de 2019 á actualidade, calendario laboral e expediente do ERTE, coa advertencia de que, de ser admitida e de non o facer, se poderán ter por probadas as alegacións feitas pola contraria en relación coa proba acordada.

Non caso de que pretenda comparecer ao acto do xuízo asistida de avogado ou representada técnicamente por graduado social colexiado, ou representada por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida este estar representado técnicamente por graduado social colexiado ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de se valer no acto de xuízo de avogado, procurador ou graduado social colexiado.

A copia da demanda está ao dispor da parte na oficina xudicial, así como os autos para a súa consulta.

Advírtese á destinataria que as seguintes comunicacións se farán fixando copia da resolución ou da cédula non taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento

Para que sirva de citación a Colegio Junior’s, S.L., expídese este edicto para a súa publicación non Diario Oficial de Galicia e colocación no taboleiro de anuncios do xulgado.

Santiago de Compostela, 7 de agosto de 2020

A letrada da Administración de xustiza