Eu, Marina Pilar García de Evan, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 55/2018 deste xulgado do social, seguido por instancia de Fogasa contra Ángel Fernando Martínez Caamaño, se ditou a seguinte resolución, cuxa parte dispositiva é do teor literal seguinte:

«Decreto.

Letrada da Administración de xustiza, María Iria Román Vidarte.

Santiago de Compostela, 13 de xullo de 2020.

Parte dispositiva.

Acordo:

a) Declarar o executado Ángel Fernando Martínez Caamaño en situación de insolvencia parcial por importe de 1.139,56 euros en concepto de principal (salarios) e 203,85 euros que se fixan provisionalmente en concepto de xuros que, se é o caso, poidan percibirse durante a execución e as custas desta, sen prexuízo da súa posterior liquidación, insolvencia que se entenderá, para todos os efectos, como provisional.

b) Arquivar as actuacións logo de anotación no libro correspondente, sen prexuízo de reabrir a execución, se a partir deste momento se coñecen novos bens do executado.

c) Unha vez firme a presente resolución, procédase á súa inscrición no rexistro correspondente.

Modo de impugnación: contra a presente resolución cabe recurso directo de revisión que deberá interpoñerse ante quen dita a resolución no prazo de tres días hábiles seguintes á notificación desta con expresión da infracción cometida nela a xuízo do recorrente, artigo 188 da LXS.

O/a letrado/a da Administración de xustiza».

E para que sirva para os efectos publicitarios a declaración de insolvencia do executado, Ángel Fernando Martínez Caamaño, procédase á súa inserción no Diario Oficial de Galicia.

Santiago de Compostela, 30 de xullo de 2020

A letrada da Administración de xustiza