Por acordo do Pleno, do día 31 de xullo de 2020, aprobouse inicialmente a modificación puntual número un do Plan xeral de ordenación municipal do Concello de Lousame.
De conformidade co artigo 60 da Lei 2/2016, do 10 de febreiro, do solo de Galicia, sométese o expediente a información pública polo prazo de dous (2) meses contado desde o día seguinte ao da publicación do presente anuncio no Diario Oficial de Galicia.
Durante o dito prazo poderá ser examinado por calquera interesado nas dependencias municipais, para que formulen as alegacións que consideren pertinentes ou para a obtención de copias. Do mesmo xeito, estará á disposición na sede electrónica deste Concello (https://sede.lousame.es/opencms/gl/informacion/tablon/Noticia_Urbanismo_001.html).
Non procede a suspensión do outorgamento de licenzas, xa que a súa concesión non terá repercusión sobre a modificación puntual e non implicará ningunha imposibilidade de proceder á súa aprobación definitiva.
Lousame, 6 de agosto de 2020
Mª Teresa Villaverde Pais
Alcaldesa