Francisco Javier Crespo Martín, letrado da Administración de xustiza do Xulgado de Primeira Instancia número 2 de Ourense, por medio deste edicto fai saber que no presente procedemento ordinario, seguido por instancia de Jesús Martín Piernas e Francisco Vidal López fronte a Hervasa Barco, S.L., Banca Ceiss, S.A. e Sareb, S.A., se ditou a seguinte sentenza, que di literalmente o seguinte:
«Resolvo:
Que debo desestimar e desestimo integramente a demanda interposta polo procurador Francisco Pérez Pérez, que actúa en nome e representación de Jesús Martín Piernas e Francisco Vidal López, contra a entidade Hervasa Barco, S.L., declarada en situación de rebeldía procesual, o Banco de Caja de España de Inversiones, Salamanca y Soria, S.A. (Banco CEISS), representado polo procurador Ramón Montero Rodríguez, e a Sociedad de Gestión de Activos Procedentes de la Reestructuración Bancaria, S.A. (Sareb), representada polo procurador Francisco José Abajo Abril; e, en consecuencia, debo declarar e declaro que non proceden os pedimentos contidos na demanda, absolvendo as demandadas das ditas pretensións.
Todo isto con expresa imposición das custas procesuais á parte demandante.
Notifíqueselles esta resolución ás partes.
Modo de impugnación: mediante recurso de apelación ante a Audiencia Provincial de Ourense. O recurso interporase neste xulgado dentro do prazo de vinte días contados dende o día seguinte ao da notificación».
E ao estar a demandada Hervasa Barco, S.L. en paradoiro descoñecido, esténdese este edicto para que lle sirva de notificación en forma legal.
Ourense, 2 de outubro de 2019
O letrado da Administración de xustiza