De conformidade co disposto nos artigos 44 e 46 da Lei 39/2015, do 1 de outubro (BOE número 236, do 2 de outubro), do procedemento administrativo común das administracións públicas, notifícase a Juan Rafael Maneiro Piñeiro, con DNI ***8024**, e a Nancy Stella Victoria Álvarez, con DNI ***9597**, mediante a publicación no Boletín Oficial del Estado, o Acordo do 17 de xuño de 2020, da Presidencia da entidade pública Portos de Galicia, que declara en situación de abandono a embarcación da cal son copropietarios, de nome Nécora e folio 3ª-VILL-3-9714, varada no porto de Ribeira, por non ser posible a notificación no domicilio.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.
A resolución emítese por atoparse a embarcación varada sen actividade nin mantemento ningún na rampla varadoiro do porto de Ribeira e sen aboar taxas, desde que foi reflotada por persoal de Portos de Galicia tras o seu afundimento en xaneiro de 2020, con base no establecido no artigo 128 da Lei 6/2017, do 12 de decembro (DOG número 236, do 14 de decembro), de portos de Galicia, e unha vez que non existe constancia da presentación de alegacións contra o acordo de iniciación do procedemento.
De acordo coa normativa que se cita, e a través dos medios previstos na Lei 5/2011, (DOG número 203, do 24 de outubro), do patrimonio da Comunidade Autónoma de Galicia, Portos de Galicia vai proceder á venda do buque, e de resultar esta falida, ao seu despezamento e traslado a vertedoiro autorizado.
Todos os custos de tramitación ou que xeren as actuacións que se deben realizar sobre o buque en función do que resulte do exame sobre o seu estado e da súa peritación serán pola conta do propietario.
A presidenta de Portos de Galicia emite a presente resolución, en virtude das competencias conferidas polo artigo 12.3, letras a) e l), da Lei 6/2017, de portos de Galicia.
Contra a presente resolución que pon fin á vía administrativa e é executiva poderase interpor recurso contencioso-administrativo, nun prazo de dous meses, contado desde o día seguinte ao da publicación deste anuncio, ante o Xulgado do Contencioso-Administrativo de Santiago de Compostela que corresponda.
Santiago de Compostela, 20 de xullo de 2020
Susana Lenguas Gil
Presidenta de Portos de Galicia