Eu, María Isabel Freire Corzo, letrada da Administración de xustiza da Sección número 1 da Sala Segunda do Social do Tribunal Superior de Xustiza de Galicia, fago saber que no procedemento recurso suplicación 1014/2020 desta sección, seguido por instancia de Fogasa contra Pinegal Ecoforest, S.L., Invernos Galicia, S.L., Daniel Torres Varela, sobre despedimento disciplinario, se ditou a seguinte resolución:

Resolvemos:

Estimamos en parte o recurso de suplicación formulado polo letrado do Fogasa contra a sentenza do 7 de novembro de 2019, ditada polo Xulgado do Social número 2 da Coruña, no procedemento 874/2018, sobre despedimento, e revogamos a expresada resolución no sentido de ter por efectuada a opción de indemnización prevista no artigo 110.1, letra a), da LRXS por parte do Fogasa e, en consecuencia, a relación laboral extinguida na data do seu cesamento efectivo na empresa, o 9.10.2018, coas consecuencias inherentes, e confirmámola en canto aos restantes pronunciamentos.

Modo de impugnación. Fáiselles saber ás partes que contra esta sentenza cabe interpoñer recurso de casación para unificación de doutrina, que se debe preparar mediante escrito presentado ante esta sala dentro do improrrogable prazo dos dez días hábiles inmediatos seguintes á data de notificación da sentenza. Se o recorrente non ten a condición de traballador ou beneficiario do réxime público da Seguridade Social deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 37, seguida de catro díxitos correspondentes ao nº do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria dende unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Así, por esta nosa sentenza, pronunciámolo, mandámolo e asinámolo.

E para que sirva de notificación en legal forma a Pinegal Ecoforest, S.L., en ignorado paradoiro, expido o presente edicto para a súa inserción no Diario Oficial de Galicia.

Advírtese a destinataria de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.

A Coruña, 6 de xullo de 2020

A letrada da Administración de xustiza