Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o xurado, na reunión do 17.9.2012, acordou solicitar ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.

En relación con isto, na sesión celebrada polo xurado provincial o día 10.6.2020, figuran os seguintes acordos:

– Monte Cornedo e Fonte Seca (expediente 31/78), pertencente aos veciños da parroquia de Vilalle, no termo municipal de Castroverde. O 8.3.2019 tivo entrada un escrito presentado polo representante da comunidade, en que solicita que se proceda á revisión do esbozo conforme a documentación que achega. Esta solicitude foi emendada o 17.9.2019 e o 28.1.2020. O 10.2.2020 o Servizo de Montes elabora unha proposta de novo esbozo (núm. 16/19) para o monte Cornedo e Fonte Seca, nos termos que no dito informe se describen, que queda cunha superficie de 208,37 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente e constancia a nivel do Rexistro de Montes Veciñais en Man Común, de conformidade co dito.

– Monte de Nespereira (expediente 17/75), pertencente aos veciños da parroquia de Nespereira, no termo municipal de Portomarín. O 25.10.2018 tivo entrada un escrito presentado polo presidente da comunidade, en que solicita que se proceda á revisión do esbozo conforme a documentación que achega. Esta solicitude foi emendada o 19.8.2019, o 19.12.2019 e o 31.1.2020. O 13.2.2020 o Servizo de Montes elabora unha proposta de novo esbozo (núm. 86/18) para o monte de Nespereira, nos termos que no dito informe se describen, que queda cunha superficie de 295 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente e constancia a nivel do Rexistro de Montes Veciñais en Man Común, de conformidade co dito.

– Monte Fenteira (expediente 117/79), pertencente aos veciños da parroquia de Brosmos, no termo municipal de Sober. O 21.9.2019 tivo entrada un escrito presentado polo representante da comunidade, en que solicita que se proceda á revisión do esbozo conforme a documentación que achega. O 28.2.2020 o Servizo de Montes elabora unha proposta de novo esbozo (núm. 2019/62) para o monte Fenteira, nos termos que no dito informe se describen, que queda cunha superficie de 82,09 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente e constancia a nivel do Rexistro de Montes Veciñais en Man Común, de conformidade co dito.

– Monte de Roca (expediente 66/75), pertencente aos veciños da parroquia de Roca, no termo municipal de Guitiriz. O 22.1.2020 tivo entrada un escrito presentado polo presidente da comunidade, en que solicita que se proceda á revisión do esbozo conforme a documentación que achega. O 24.2.2020 o Servizo de Montes elabora unha proposta de novo esbozo, conxuntamente coa avinza practicada entre esta comunidade de Roca e a de Baamonde (núm. 2020/3), nos termos que no dito informe se describen, que queda cunha superficie de 208 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente e constancia a nivel do Rexistro de Montes Veciñais en Man Común, de conformidade co dito.

– Monte de Labio (expediente 44/80), pertencente aos veciños da parroquia de Labio, no termo municipal de Lugo.

O 19.8.1967 aprobouse por decreto o expediente de inicio da concentración parcelaria de San Pedro de Labio.

O 23.10.1991 adquiriron firmeza as bases definitivas da concentración e o 24.11.1995 acordouse a entrega dos títulos dos predios concentrados.

Con esta situación, parte do esbozo do expediente de clasificación do monte veciñal de Labio foi afectado pola proposta de concentración e estes terreos foron adxudicados a propietarios particulares tras a reorganización da propiedade.

O 18.3.2020 o Servizo de Montes elabora unha proposta de novo esbozo para o monte de Labio, nos termos que no dito informe se describen, que queda cunha superficie de 158 hectáreas, de conformidade coa nova cartografía.

Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente e constancia a nivel do Rexistro de Montes Veciñais en Man Común, de conformidade co dito.

– Monte Vilarín e Cortiñas (expediente 99/79), pertencente aos veciños de Vilarín, da parroquia de Cedrón, no termo municipal de Láncara. O 8.11.2018 tivo entrada un escrito presentado polo presidente da comunidade, en que solicita que se proceda á revisión do esbozo conforme a documentación que achega. Esta solicitude foi emendada o 9.3.2020. O 18.3.2020 o Servizo de Montes elabora unha proposta de novo esbozo (núm. 88/bis18) para o monte Vilarín e Cortiñas, nos termos que no dito informe se describen, que queda cunha superficie de 23,6 hectáreas, de conformidade coa nova cartografía. Examinada a devandita proposta, o xurado, por unanimidade, acorda aceptala e proceder á oportuna incorporación do esbozo ao expediente e constancia a nivel do Rexistro de Montes Veciñais en Man Común, de conformidade co dito.

Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.

Lugo, 19 de xuño de 2020

María Olga Iglesias Fontal
Presidenta do Xurado Provincial de Clasificación de
Montes Veciñais en Man Común de Lugo