Visto o expediente instruído para os efectos da transmisión inter vivos da batea M. IV e da concesión administrativa que a ampara, resulta:
Antecedentes:
Primeiro. O 26 de decembro de 2019, María del Carmen Suárez Costoya, Bruno Celaya Argos e Ricardo López Piñeiro solicitaron autorización para a transmisión da concesión administrativa e da batea M. IV.
Segundo. Os informes do Servizo de Protección dos Recursos sobre as características da batea e da Dirección Xeral de Pesca, Acuicultura e Innovación Tecnolóxica sobre a tramitación do expediente son favorables.
Consideracións legais e técnicas:
Primeira. Este órgano é competente para resolver o expediente consonte a Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e coa Orde do 8 de setembro de 2017, de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.
Segunda. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Polo anterior, resolvo:
Autorizar a transmisión inter vivos, a favor de José Santiago López Piñeiro e María Belén Romero Torres, da concesión administrativa e da batea que se indica a continuación:
Identificación:
Tipo: batea.
Nome: M. IV.
Situación:
Cuadrícula nº: 49.
Polígono: D.
Distrito: Caramiñal (A Coruña).
Especies autorizadas: mexillón (Mytilus galloprovincialis).
Título habilitante: concesión de actividad.
Orde do outorgamento: 14.11.1946.
Remate da vixencia: 15.12.2029.
Actuais titulares: Ricardo López Piñeiro (***3802**), Bruno Celaya Argos (***1145**) e Maria del Pilar Suárez Costoya (***1817**).
Novos titulares: José Santiago López Piñeiro (***6629**) e Maria Belén Romero Torres (***6672**).
Baixo as seguintes condicións:
Primeira. Os titulares actuais deberán presentar no prazo máximo dun mes, contado desde o día seguinte ao da publicación da presente orde no Diario Oficial de Galicia, orixinal ou fotocopia cotexada da seguinte documentación:
– Documento notarial da transmisión ou doazón.
– Solicitude ou carta de pagamento do imposto de transmisións patrimoniais ou documento de sucesións.
Segunda. Transcorrido o prazo indicado na condición primeira sen ter achegada a documentación requirida, a autorización quedará sen efecto, logo de comunicación por parte da consellería.
Terceira. Os novos titulares da concesión quedan subrogados nos dereitos e nas obrigas dos anteriores titulares, desde o momento da formalización da compravenda en escritura pública.
Contra a presente resolución, que esgota a vía administrativa, poderase interpoñer recurso potestativo de reposición, no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, que se interporá no prazo de dous meses, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Este prazo comenzará a contar desde o 1 de xuño de 2020, data en que continúa o cómputo dos prazos administrativos suspendidos de acordo co disposto no artigo 9 do Real decreto 537/2020, do 22 de maio, polo que se prorroga o estado de alarma declarado polo Real decreto 463/2020, do 14 de marzo, polo que se declara o estado de alarma para a xestión da situación de crisis sanitaria ocasionada polo COVID-19.
A Coruña, 3 de xuño de 2020
A conselleira do Mar
P.D. (Orde do 8.9.2017)
O xefe territorial da Coruña
Por delegación de funciones (Resolución do 6.11.2019)
María José Cancelo Baquero
Xefa do Servizo de Recursos Mariños
