O Pleno do Concello de Cerceda, reunido en sesión ordinaria o 28 de maio de 2020, aprobou inicialmente o documento de aprobación inicial da modificación puntual das normas subsidiarias de Cerceda para a reclasificación de solo urbanizable e a ordenación detallada dun sector en Areosa (Queixas).

De acordo co artigo 60.6 da Lei 2/2016, do 10 febreiro, do solo de Galicia, e o artigo 144.6 do Regulamento da Lei do solo de Galicia, aprobado polo Decreto 143/2016, do 22 de setembro, sométese a información pública durante o prazo de dous meses a partir do día seguinte ao da data do presente anuncio no Diario Oficial de Galicia.

A documentación sometida a información pública inclúe, ademais dos documentos integrantes da modificación puntual, un resumo executivo e o informe ambiental estratéxico en que se decide non someter a procedemento de avaliación ambiental ordinaria a modificación, por non ter efectos significativos sobre o ambiente.

Cerceda, 1 de xuño de 2020

Juan Manuel Rodríguez García
Alcalde presidente