Despois de ser aprobado inicialmente o 20.5.2020, pola Xunta de Goberno Local do Concello de Ponteceso, o Plan especial de infraestruturas en solo rústico e de núcleo rural para a construción dun centro de investigación, formación e coidado de persoas maiores en Bardaio, de conformidade co artigo 75.1.a) da Lei 2/2016, do 10 de febreiro, do solo de Galicia, e co artigo 186.1.a) do seu regulamento, sométese a información pública durante o prazo de dous meses, contados a partir da publicación deste anuncio no Diario Oficial de Galicia, durante o cal calquera persoa interesada poderá examinar o expediente na Secretaría municipal, en horario de oficina, e formular as alegacións que considere procedentes nun escrito dirixido á Xunta de Goberno Local.

Ponteceso, 21 de maio de 2020

Xosé Lois García Carballido
Alcalde