Visto o expediente para outorgamento de autorización administrativa previa e de construción da instalación eléctrica que a seguir se cita:

Solicitante: Santiago Sur Galicia, S.L.

Domicilio social: rúa do Buxo (P.I. O Milladoiro) 15895 O Milladoiro.

Denominación: proxecto: LMTS, CT de 630 kVA e RBTS.

Situación: parcela M-13, Santa Marta, Santiago de Compostela (A Coruña).

Características técnicas:

Liña de media tensión soterrada de 20 kV, con inicio e fin na liña LMTS circuíto urbano que transcorre pola beirarrúa da Travesía da Poza, 2 (Santiago de Compostela) entre o centro de seccionamento 15CDKC e o centro de transformación 15CMCW, con entrada e saída no centro de transformación proxectado, condutor RHZ1 2OL 12/20 kV 3×(1×240 mm2), Al e lonxitude de 14 m (ida e volta).

Centro de transformación compacto en edificio non prefabricado (en local planta baixa) sito na Travesía da Poza, 2, parcela M-13, Santa Marta, Santiago de Compostela (A Coruña), aceite mineral, refrixeración natural e relación de transformación 20/0.4 kV, con celas prefabricadas SF6 (2L1P), dúas celas de liña e unha de protección (24 kV, 400 A, 16 kA) e transformador de 630 kVA.

Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 5/2017, do 19 de outubro, de fomento da implantación de iniciativas empresariais, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54), esta xefatura territorial resolve:

Conceder a autorización administrativa previa e a autorización administrativa de construción da devandita instalación, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.

O prazo de vixencia da autorización é dun ano, contado a partir do día seguinte ao da publicación desta resolución no Diario Oficial de Galicia.

A presente autorización entenderase outorgada, salvo o dereito de propiedade e sen prexuízo do de terceiro, e non poderá ser invocada para excluír ou diminuír a responsabilidade civil ou penal en que puidese incorrer o beneficiario no exercicio da actividade ou na explotación da instalación autorizada.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

Contra o presente acordo, que non é definitivo en vía administrativa, cabe interpor recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da súa notificación ou publicación nos termos establecidos nos artigos 112, 115, 121 e 122 da Lei 39/2015, do 1 de outubro, do procedemento administrativo común das administracións públicas; sen prexuízo de que os interesados poidan interpor calquera outro recurso que se considere pertinente.

A Coruña, 20 de maio de 2020

Isidoro Martínez Arca
Xefe territorial da Coruña