Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen os autos número 493/2019 por instancia de Mohamed Bowba contra Sacyr Vallehermoso, S.A. e Obras y Estructuras Estrucor Tres, S.L., sobre despedimento, nos cales se ditou a Sentenza do 21 de xaneiro de 2020 que, copiada nos particulares necesarios, di así:
Resolvo:
Estímase parcialmente a demanda formulada por Mohamed Bowba contra as empresas Obras y Estructuras Estrucor Tres, S.L. e Sacyr, S.A. (desistida), con intervención do Fondo de Garantía Salarial, e en consecuencia:
– Declárase improcedente o despedimento efectuado pola demandada Obras y Estructuras Estrucor Tres, S.L. ao traballador.
– Declárase extinguida a relación laboral.
– Condénase a Obras y Estructuras Estrucor Tres, S.L. a aboar a Mohamed Bowba a cantidade de seiscentos cincuenta e tres euros con sesenta e dous céntimos de euro (653,62 euros) en concepto de indemnización.
Notifíqueselles esta resolución ás partes.
Contra esta resolución cabe recurso de suplicación, ante o Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado, graduado social ou representante, dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.
Para que conste, para efectos da súa publicación no Diario Oficial de Galicia co fin de que lle sirva de notificación en forma á empresa Obras y Estructuras Estrucor Tres, S.L., expido e asino este edicto.
A Coruña, 14 de febreiro de 2020
A letrada da Administración de xustiza
