Eu, Sarai Paniagua Acera, letrada da Administración de xustiza do Xulgado de Primeira Instancia número 5 de Vigo, fago saber que no presente procedemento DCT 602/2016, seguido por instancia de Susana Martínez Vega fronte a Benvido Eusebio e Moreno, se ditou sentenza, cuxo teor literal é o seguinte:

«Sentenza número 420.

Vigo, 12 de decembro de 2018.

María Dolores Rodríguez Leirós, xuíza substituta do Xulgado de Primeira Instancia número 5 de Vigo, ditou a presente resolución no procedemento de divorcio seguido neste xulgado co número 602/2016, en que actuou como demandante Susana Martínez Vega, representada polo procurador Pablo Acosta Padín e asistida pola letrada Dulce Nombre de Jesús Illescas Bueno e, como demandado, Bienvenido Eusebio y Moreno, declarado en rebeldía procesual, sen a intervención do Ministerio Fiscal,

(Seguen antecedentes de feito e fundamentos de dereito).

Resolvo.

Que, con estimación da demanda presentada polo procurador Sr. Acosta Padín, en nome e representación de Susana Martínez Vega, contra Bienvenido Eusebio y Moreno, en situación procesual de rebeldía, debo declarar e declaro a disolución por causa de divorcio do matrimonio contraído entre ambos o día 24 de outubro de 1997, con todos os efectos legais inherentes.

Todo iso sen facer expreso pronunciamento respecto ás custas do procedemento.

Notifíquese esta sentenza ás partes, facéndolles saber que contra ela cabe interpoñer recurso de apelación no prazo de vinte días contado dende o seguinte ao da súa notificación.

Unha vez que sexa firme a presente resolución, comuníquese ao Rexistro Civil de Vigo, librando os oportunos oficios.

Así, por esta miña sentenza, definitivamente xulgando en primeira instancia, pronúncioo, mándoo e asínoo».

E ao estar o dito demandado, Bienvenido Eusebio y Moreno, en paradoiro descoñecido, expídese o presente edicto co fin de que lle sirva de notificación en forma.

Vigo, 21 de decembro de 2018

A letrada da Administración de xustiza