Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 493/2019 por instancia de Mohamed Bowba contra Sacyr Vallehermoso, S.A. e Obras y Estructuras Estrucor Tres, S.L. sobre DSP, nos cales se ditou sentenza en data 21 de xaneiro de 2020, que copiada nos particulares necesarios di así:
Decisión estímase parcialmente a demanda formulada por Mohamed Bowba fronte ás empresas Obras y Estructuras Estrucor Tres, S.L. e Sacyr, S.A. (desistida), con intervención do Fondo de Garantía Salarial e, en consecuencia:
– Declárase improcedente o despedimento efectuado pola demandada Obras y Estructuras Estrucor Tres, S.L. ao traballador.
– Declárase extinguida a relación laboral.
– Condénase a Obras y Estructuras Estrucor Tres, S.L. a aboarlle a Mohamed Bowba a cantidade de seiscentos cincuenta e tres euros con sesenta e dous céntimos de euro (653,62 euros) en concepto de indemnización.
Notifíqueselles a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución, e abondará a manifestación da parte ou do seu avogado, graduado social ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.
E para que conste, para os efectos da súa publicación no Diario Oficial de Galicia co fin de que lle sirva de notificación en forma á empresa Obras y Estructuras Estrucor Tres, S.L., expido e asino a presente.
A Coruña, 14 de febreiro de 2020
A letrada da Administración de xustiza
