No procedemento JVB 48/2018 ditouse Sentenza nº 54, cuxo encabezamento e resolución son do teor literal seguinte:
«Sentenza:
Santiago de Compostela, 18 de xuño de 2018.
Vistos por M. de Luna Taboada Martínez, maxistrada xuíza do Xulgado de Primeira Instancia número 5 desta cidade, os presentes autos de xuízo verbal nº 48/2018, seguidos por instancia de Lino Carneiro Alonso, sen representación procesual, baixo a asistencia letrada do Sr. Fernández González, contra Luxury Wedding Group, S.L., sen representación procesual nin defensa letrada.
Resolvo:
Acéptase a demanda presentada por Lino Carneiro Alonso e, en consecuencia, condénase a demandada Luxury Wedding Group, S.L. a aboarlle ao demandante a cantidade de mil oitocentos sesenta e dous euros (1.862,20 €) máis os xuros legais contando desde a data de interposición da demanda, así como ao pagamento das custas.
Notifíqueselles esta sentenza ás partes, facéndolles saber que contra ela non cabe recurso de apelación.
Así o acorda, manda e asina M. de Luna Taboada Martínez, maxistrada xuíza do Xulgado de Primeira Instancia número 5 de Santiago de Compostela».
E como consecuencia do paradoiro ignorado de Luxury Wedding Group, S.L., expídese o presente edicto para a súa publicación no Diario Oficial de Galicia.
Santiago de Compostela, 13 de febreiro de 2020
A letrada da Administración de xustiza