Advertido erro na citada resolución, publicada no Diario Oficial de Galicia núm. 243, do 23 de decembro de 2019, cómpre publicar a seguinte corrección:
1. Na páxina 54314, artigo 16 (Obrigas das persoas beneficiarias), punto 8, onde di:
«8. Todos os estudos, informes e demais documentos que xere a persoa bolseira durante o desenvolvemento da súa formación quedarán á disposición da Axencia Turismo de Galicia e de Turespaña, as cales serán titulares dos dereitos de explotación e demais relativos á propiedade intelectual dos estudos e informes. As persoas bolseiras deberán aceptar por escrito esta atribución de dereitos a favor das devanditas entidades antes da súa incorporación ao país de destino».
Debe dicir:
«8. Todos os estudos, informes e demais documentos que xere a persoa bolseira durante o desenvolvemento da súa formación quedarán á disposición de Turespaña, a cal será titular dos dereitos de explotación e demais relativos á propiedade intelectual dos estudos e informes. As persoas bolseiras deberán aceptar por escrito esta atribución de dereitos a favor da devandita entidade antes da súa incorporación ao país de destino».
Esta corrección no afecta o prazo de presentación de solicitudes.