Eu, Belén Menéndez Medel, letrada da Administración de xustiza do Xulgado do Social número 4 de Santiago de Compostela, fago saber que mediante resolución pronunciada no día da data, no proceso seguido por instancia de Martín Manuel Medina Castro contra Óscar Pérez López, S.L., en reclamación por despedimento, rexistrado co número de despedimento/cesamentos en xeral 7/2020, se acordou, en cumprimento do que dispón o artigo 59 da Lei reguladora da xurisdición social (LXS), citar a Óscar Pérez López, S.L., en ignorado paradoiro, co fin de que compareza o día 13 de febreiro de 2020, ás 12.30 horas, na planta baixa, sala 3, edificio na rúa Berlín, para a celebración dos actos de conciliación (12.20 horas, oficina xudicial, 2º andar) e, de ser o caso, xuízo. Poderá comparecer persoalmente ou mediante persoa legalmente apoderada e deberá acudir con todos os medios de proba de que intente valerse, coa advertencia de que é única convocatoria e de que estes actos non se suspenderán por falta inxustificada de asistencia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que deban revestir forma de auto ou sentenza, ou cando se trate de emprazamento.

Advírtese que se solicitaron as seguintes probas que deberá achegar a empresa:

– Interrogatorio do representante legal da parte demandada, empresa Óscar Pérez López, S.L.

– Achega, con cinco días de antelación ao acto de xuízo, dos documentos seguintes: recibos de salarios desde xullo de 2019 ata a actualidade, vida de CCC da empresa desde o 1 de xullo de 2019 e documentos de cotización desde o 1 de xullo de 2019 ata a actualidade e xustificante de pagamentos destes.

Coa advertencia de que, de non o facer, se poderán considerar probadas as alegacións feitas pola contraria en relación coa proba acordada (artigo 94 da LXS).

Están ao dispor da empresa demandada nesta oficina xudicial copia da demanda, así como os autos para a súa consulta.

No caso de que pretenda comparecer ao acto do xuízo asistida de avogado ou representada tecnicamente por graduado social colexiado, ou representada por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida este estar representado tecnicamente por graduado social colexiado ou representado por procurador, designar avogado noutro prazo igual ou solicitar a súa designación a través do asigno de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

Para que sirva de citación a Óscar Pérez López, S.L., expídese este edicto para a súa publicación no Diario Oficial de Galicia e colocación no taboleiro de anuncios.

Santiago de Compostela, 17 de xaneiro de 2020

A letrada da Administración de xustiza