Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 862/2016 por instancia de José Manuel Fernández Marcote contra Fraternidad-Muprespa, Tesouraría Xeral da Seguridade Social, o Instituto Nacional da Seguridade Social, Granitos Cid, S.L. e Mutua Fremap sobre determinación de continxencia, nos cales foi ditado auto de aclaración de sentenza no 14.10.2019 que, copiado nos particulares necesarios, di así:
«Parte dispositiva
Dispoño: haber lugar á aclaración solicitada e, en consecuencia, a parte dispositiva da sentenza ficará do teor literal seguinte:
Decido
Estimar a demanda interposta por José Manuel Fernández Marcote contra o Instituto Nacional da Seguridade Social e a Tesouraría Xeral da Seguridade Social, a Mutua Fraternidad, a Mutua Fremap e a empresa Granitos Cid, S.L. e, en consecuencia:
– Declárase que a continxencia da incapacidade permanente total aprobada o 27 de maio de 2016 é a enfermidade profesional desde o inicio daquela con dereito do demandante a percibir as prestacións correspondentes.
– Condénase o Instituto Nacional da Seguridade Social, a Mutua Fremap e a Mutua Fraternidad Muprespa a aboaren a prestación conforme a seguinte porcentaxe:
• Mutua Fremap: 11,96 %.
• Mutua Fraternidad Muprespa: 3,37 %.
• Instituto Nacional da Seguridade Social: 84,68 %.
Notifíquese a presente resolución ás partes».
E para que conste, para os efectos da súa publicación no Diario Oficial de Galicia a fin de que sirva de notificación en forma á empresa Granitos Cid, S.L. expido e asino este edicto.
A Coruña, 2 de xaneiro de 2020
A letrada da Administración de xustiza