F02 Familia, garda, custodia, alimentos fillo menor C1776/2018

Sobre: alimentos provisionais

Interveniente, demandante: Ministerio Fiscal, Tamara Ferreira Sequeiros

Procuradora: Ana Manuela López Puga

Avogado: Carlos Rodríguez Rivas

Demandado: Omar El Katy

No procedemento de referencia ditouse a resolución con encabezamento e decisión do teor literal seguinte:

«Sentenza 1026/2019

Maxistrada xuíza: Laura Guede Gallego

Ourense, 25 de setembro de 2019

Vistos os presentes autos 1776/2018 sobre petición de alimentos, garda e custodia, promovidos pola procuradora Sra. López Puga, en nome e representación de Tamara Ferreira Sequeiros, dirixida por letrado, fronte a Omar El Katy, que foi declarado en rebeldía, con intervención do Ministerio Fiscal.

Decisión:

Acordo a adopción das seguintes medidas reguladores da garda e custodia de fillo menor, así como a súa pensión de alimentos, de S.E.K.F.

1. Atribúeselle a garda e custodia do menor á nai Tamara.

2. Atribúeselle o exercicio exclusivo da patria potestade á nai, sen que sexa necesaria a sinatura do pai para a adopción de decisións que afecten a patria potestade (DNI, solicitude de dobre nacionalidade, petición de pasaporte, cambio de centro escolar, cambio de padrón...).

3. Suspéndese o réxime de visitas.

4. Atribúeselle o domicilio que fose familiar á nai e á menor.

5. Non se establece pensión de alimentos.

Non se impoñen as custas do presente procedemento a ningunha das partes.

Notifíqueselles esta resolución ás partes e ao Ministerio Fiscal. Esta sentenza non é firme. Conforme o disposto no artigo 208.4 da LAC, indícase que contra a presente resolución cabe interpor, no prazo de 20 días desde a notificación, recurso de apelación (arts. 457 e ss. LAC) ante este tribunal.

Lévese o orixinal ao libro de sentenzas, deixando testemuño suficiente en autos.

Así o acorda, manda e asina a maxistrada xuíza. Dou fe».

E como consecuencia do ignorado paradoiro de Omar El Kati, expídese a presente para que sirva de cédula de notificación.

Ourense, 18 de decembro de 2019

O/a letrado/a da Administración de xustiza