Acordo da Xunta de Goberno local do Concello de Caldas de Reis (Pontevedra), en sesión ordinaria do 3.12.2019, referente á convocatoria para prover varias prazas.
No Boletín Oficial da provincia de Pontevedra número 239, do 13 de decembro de 2019, publicáronse integramente as bases que rexerán a convocatoria para prover as seguintes prazas:
– Funcionario de carreira.
Unha praza de administrativo, pertencente á escala de Administración xeral, subescala administrativa, integrada no grupo C1, mediante o sistema de concurso-oposición, pola quenda de promoción interna.
– Persoal laboral fixo.
Unha praza de conserxe-coordinador, asimilado a agrupación profesional, mediante concurso-oposición, pola quenda libre.
A información do proceso selectivo publicarase no taboleiro de anuncios do Concello de Caldas de Reis, sito na rúa Herrería, nº 1, no taboleiro de anuncios electrónico e no portal de transparencia da sede electrónica, área institucional.
Publícase un extracto da convocatoria no Diario Oficial de Galicia e no Boletín Oficial del Estado. O prazo de presentación de solicitudes de admisión nas probas de selección será de 20 días naturais a partir do seguinte a aquel en que se publique o anuncio da convocatoria no Boletín Oficial del Estado.
Caldas de Reis, 13 de decembro de 2019
Juan Manuel Rey Rey
Alcalde presidente