Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 244 Martes, 24 de decembro de 2019 Páx. 54495

V. Administración de xustiza

Tribunal Superior de Xustiza de Galicia (Sala do Social)

EDICTO de notificación de sentenza (RSU 4221/2019-CON).

Tipo e número de recurso: RSU. Recurso de suplicación 4221/2019-CON

Xulgado de orixe/autos: despedimento obxectivo individual 197/2019. Xulgado do Social número 5 de Vigo

Recorrente: Alberto Alonso Fontaíña

Avogado: Miguel Irisarri Bouzas

Recorridos: Fogasa, Caprichos de Casa Import, S.L.U.

Avogado/a: letrado/a de Fogasa

Eu, María Socorro Bazarra Varela, letrada da Administración de xustiza da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 4221/2019-CON desta sección, seguido por instancia de Alberto Alonso Fontaíña contra Fogasa e Caprichos de Casa Import, S.L.U., sobre despedimento disciplinario, se ditou a seguinte resolución:

Que, estimando o recurso de suplicación interposto por Alberto Alonso Fontaíña contra a Sentenza ditada polo Xulgado do Social número 5 de Vigo con data do 10 de xuño de 2019, debemos revogar e revogamos a dita resolución e, con estimación da demanda formulada polo recorrente, debemos declarar e declaramos o seu dereito ao aboamento dos salarios de tramitación desde a data de efectos do despedimento (18 de xaneiro de 2019) ata a data da sentenza de instancia do salario/día de 33,59 euros, e condenamos a demandada, Caprichos de Casa Import, S.L.U., ao seu recoñecemento e aboamento, con intervención do Fondo de Garantía Salarial.

Incorpórese o orixinal desta sentenza, pola súa orde, ao libro de sentenzas do Tribunal Superior de Xustiza de Galicia. Sala do Social.

Modo de impugnación. Fáiselles saber ás partes que contra esta sentenza cabe interpor recurso de casación para unificación de doutrina que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes ao da data de notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 37, seguida de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 37, ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Así o pronunciamos, mandamos e asinamos por esta nosa sentenza.

Para que sirva de notificación en legal forma a Caprichos de Casa Import, S.L.U., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

A Coruña, 26 de novembro de 2019

A letrada da Administración de xustiza