Eu, Rafael González Alió, letrado da Administración de xustiza do Xulgado do Social número 1 de Lugo, fago saber que no procedemento de despedimento/cesamentos en xeral 305/2019 deste xulgado do social, seguido por instancia de Verónica Cobo González contra Rubén Ríos Reinoso e o Fogasa, sobre despedimento, se ditou sentenza cuxa resolución é a seguinte:
«Admitir a demanda formulada por Verónica Cobo González e declarar improcedente o seu despedimento con efectos do 28.2.2019, e condenar a Rubén Ríos Reinoso a que, no prazo de cinco días contados desde a notificación desta resolución, opte entre readmitir a parte demandante no seu posto de traballo ou indemnizala pola extinción da relación laboral coa cantidade de 994,52 euros. En caso de que se opte pola readmisión, a traballadora terá dereito aos salarios de tramitación desde o día 28.2.2019 ata o día de notificación da sentenza, a razón de 16,44 euros/día.
As custas do presente procedemento dentro dos límites legais imporanse á parte demandada.
Notifíqueselles esta sentenza ás partes, facéndolles saber que cabe interpor recurso de suplicación ante a Sala do Social do Tribunal Superior de Xustiza de Galicia dentro dos cinco días seguintes ao da notificación, anunciándoo ante este xulgado.
Ao anunciar o recurso deberá xuntarse o documento que acredite o ingreso de 300 euros como depósito para recorrer, no Banco Santander, na conta de depósitos e consignacións deste xulgado correspondente ao presente procedemento número 2322-0000-65-0305-19, baixo apercibimento de non dar trámite ao recurso, salvo que o recorrente sexa traballador, habente causa seu, beneficiario do réxime público da Seguridade Social, o Estado, as comunidades autónomas, as entidades locais e as entidades de dereito público vinculadas ou dependentes destes, sindicato ou beneficiario do dereito á asistencia xurídica gratuíta.
Ademais, cando a sentenza condene ao pagamento de cantidade, o recorrente que non goce do beneficio de xustiza gratuíta deberá acreditar, no momento de anunciar o recurso, ter consignado no Banco Santander, na conta de depósitos e consignacións deste xulgado correspondente ao presente procedemento, 2322-0000-60-0305-19, a cantidade obxecto da condena, e pode substituír a consignación en metálico polo aseguramento mediante aval solidario de duración indefinida e pagadoiro en primeiro requirimento emitido por entidade de crédito.
En caso de que algún dos anteriores ingresos se verifique mediante transferencia bancaria, esta deberá dirixirse á conta ES 55 0049 3569 92 0005001274 e farase constar como beneficiario o Xulgado do Social número 1 de Lugo e como concepto o número de conta correspondente ao presente procedemento que deveña dos dous mencionados nos dous parágrafos que anteceden.
Advírtanse ademais as partes que deberán facer constar nos escritos de interposición do recurso e de impugnación, se é o caso, un domicilio na sede do Tribunal Superior de Xustiza de Galicia, para os efectos de notificacións, dando cumprimento ao disposto no artigo 198 da Lei reguladora da xurisdición social.
Así, por esta miña sentenza, da que se levará testemuño aos autos, pronúncioo, mándoo e asínoo».
E para que lle sirva de notificación en legal forma a Rubén Ríos Reinoso, en paradoiro ignorado, expido o presente edicto para a súa inserción no Diario Oficial de Galicia.
Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.
Lugo, 26 de novembro de 2019
O letrado da Administración de xustiza
