Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, de conformidade co disposto no artigo 45.1 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Lugo, na sesión que tivo lugar o 25.11.2019 na sala de xuntas da Xefatura Territorial da Consellería do Medio Rural, baixo a presidencia de María Olga Iglesias Fontal, e coa asistencia dos vogais Josefina Pereira de la Riera e Miguel Ángel Cela González, e da secretaria Lucía Belver Quiroga, ditou a resolución de clasificar como veciñal en man común o seguinte monte:
Nome: Fonte Seixo (ampliación).
Pertenza: veciños da parroquia de Neiras.
Parroquia: Neiras.
Concello: Sober.
Superficie: 1,12 hectáreas.
A parcela obxecto de clasificación indícase, coas súas estremas, na seguinte táboa e pódese localizar no plano que figura no anexo.
|
Parcela obxecto de clasificación |
Parcelas estremeiras |
|
|
27059A01000235 |
Norte |
27059A01009005, 27059A01000195 |
|
Leste |
27059A01000190, 27059A01000385 |
|
|
Sur |
27059A01000196, 27059A01000197, 27059A01000203 |
|
|
Oeste |
27059A01000204, 27059A01000205, 27059A01000206, 27059A01000233, 27059A01000207, 27059A01000208 27059A01009005 |
|
Tendo en conta esta ampliación, o monte veciñal en man común pertencente á comunidade de Neiras ten unha superficie global de 256 hectáreas.
Contra esta resolución, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa. O anterior, en relación co precepto legal recollido no artigo 12 da Lei de montes veciñais en man común, e no artigo 28 do seu regulamento.
Lugo, 3 de decembro de 2019
María Olga Iglesias Fontal
Presidenta do Xurado Provincial de Clasificación de Montes
Veciñais en Man Común de Lugo
