Expediente-e: IN407A 2019/204-1.
Solicitante: UFD Distribución Electricidad, S.A.
Denominación: subestación Formarís 66/20 kV-nova subestación.
Concello: Santiago de Compostela.
Características técnicas:
– Subestación cun parque blindado de 66 kV, dous transformadores de potencia trifásicos de 25 MVA e un parque blindado de 20 kV.
– O parque de 66 kV terá unha configuración de dobre barra, realizado mediante celas con envolvente metálica e illamento en gas SF6 para interior, constituído por dúas posicións de liña, duas posicións de trafo (T-I e T-II), unha posición de medida de barras e unha posición de acoplamento transversal.
– A transformación realizarase mediante dous transformadores trifásicos de potencia, de relación de transformación 66/20 kV e potencia 25 MVA.
– O parque de 20 kV terá unha configuración de dobre barra, realizado mediante celas con envolvente metálica e illamento en gas SF6 para interior, constituído por tres posicións de liña, duas posicións de trafo (T-I e T-II), duas posicións de trafo de servizos auxiliares e unha posición de acoplamento transversal de barras con medida de tensión de barras (dobre xogo de transformadores de tensión).
– Dous transformadores de servizos auxiliares de dieléctrico seco con encapsulado total en resinas, cunha potencia de 160 kVA e unha relación de transformación 20.000/420 V.
– Localización do acceso á subestación UTM:
X: 541.253 m.
Y: 4.751.443 m.
Fuso 29.
Lexislación de aplicación:
Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
Lei 24/2013, do 26 de decembro, do sector eléctrico (BOE núm. 310, do 27 de decembro).
Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
Resolución do 19 de febreiro de 2014 pola que se aproba o procedemento de autorización administrativa de construción de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo).
Todas aquelas persoas ou entidades que se consideren afectadas poderán examinar o expediente e presentar alegacións no Servizo de Enerxía e Minas da Xefatura Territorial da Consellería de Economía, Emprego e Industria, sita na rúa Vicente Ferrer, nº 2, 2º andar, 15071 A Coruña, no prazo de vinte días, a partir do día seguinte ao da derradeira publicación deste acordo.
A Coruña, 20 de novembro de 2019
Isidoro Martínez Arca
Xefe territorial da Coruña