Antecedentes:
Primeiro. No Diario Oficial de Galicia número 113, do 17 de xuño de 2019, publicouse o Anuncio do 5 de xuño de 2019 polo que se somete ao trámite de información pública o proxecto de construción: fomento da mobilidade sustentable. Senda na PO-551. Treito: Trasouto-Alto da Portela-CG-4.1. Puntos quilométricos 12+720-14+440, de clave PO/16/267.06, así como a relación individual de bens, dereitos e propietarios afectados polo proxecto referenciado.
Segundo. Tras a análise das alegacións, informes e certificados presentados, o 8 de outubro de 2019 apróbase o expediente de información pública e o proxecto construción: fomento da mobilidade sustentable. Senda na PO-551. Treito: Trasouto-Alto da Portela-CG-4.1. Puntos quilométricos 12+720-14+440, de clave PO/16/267.06.
Este proxecto ten por obxecto a construción dunha senda de uso peonil e ciclista na estrada PO-551, no treito comprendido entre o punto quilométrico 12+720 e 14+440, no concello de Bueu, entroncando a nova senda na súa parte inicial coas beirarrúas existentes e formalizando, deste xeito, un itinerario continuo. O mencionado proxecto encádrase dentro das actuacións de fomento da mobilidade sustentable na comarca do Morrazo e concellos limítrofes, da Xunta de Galicia.
A competencia para a execución da expropiación forzosa, no ámbito das estradas non incorporadas á rede do Estado, con itinerarios que se desenvolvan integramente no seu territorio, correspóndelle á Comunidade Autónoma de Galicia, ao abeiro do punto dous do artigo 28 do Estatuto de autonomía de Galicia, aprobado pola Lei orgánica 1/1981, do 6 de abril.
Correspóndelle ao Consello da Xunta de Galicia, como órgano equivalente ao Consello de Ministros, no ámbito da Administración autonómica, o recoñecemento concreto da utilidade pública e a declaración da urxente ocupación dos bens afectados pola expropiación a que dá lugar a realización da obra, segundo o previsto nos artigos 10 e 52 da Lei do 16 de decembro de 1954, de expropiación forzosa.
Na súa virtude, por proposta da conselleira de Infraestruturas e Mobilidade e logo da deliberación do Consello da Xunta de Galicia, na súa reunión do día sete de novembro de dous mil dezanove,
DISPOÑO:
Artigo único
Declarar, en concreto, a utilidade pública e a necesidade de urxente ocupación para os efectos de expropiación forzosa, dos bens e dereitos que se concretan no expediente administrativo instruído, así como en calquera das modificacións que sexa necesario realizar para a execución do proxecto de construción: fomento da mobilidade sustentable. Senda na PO-551. Treito: Trasouto-Alto da Portela-CG-4.1. Puntos quilométricos 12+720-14+440, de clave PO/16/267.06.
Santiago de Compostela, sete de novembro de dous mil dezanove
Alberto Núñez Feijóo
Presidente
Ethel Mª Vázquez Mourelle
Conselleira de Infraestruturas e Mobilidade