Eu, Eva Ortiz Suárez, letrada da Administración de xustiza do Xulgado do Social número 5 da Coruña, fago saber que no procedemento ordinario 834/2018 deste xulgado do social, seguido por instancia de Amelia Robatto Rañales contra Kioskos de Galicia, S.L., sobre ordinario, se ditou a seguinte resolución, cuxa parte dispositiva di como segue:

Completar na sentenza ditada nos presentes autos, con data do 23 de setembro de 2019, na súa resolución, que quedará redactada no modo e forma que a seguir se explicitará, manténdose no restante a resolución:

«…Que debo estimar e estimo a demanda que en materia de cantidade interpuxo Amelia Robatto Rañales contra a entidade Kioskos de Galicia, S.L. e, en consecuencia, debo condenar e condeno a entidade Kioskos de Galicia, S.L. a que aboe á demandante a cantidade de 943,07 € brutos en concepto de cantidades debidas por salarios devindicados en xuño e setembro de 2018, así como a compensación económica polas vacacións non desfrutadas, e 661,55 € brutos en concepto de horas extras devindicadas durante a súa prestación laboral, incrementadas ambas as cantidades no xuro do 10 % por mora e aplicable aos conceptos salariais, e a cantidade de 95,70 € en concepto de indemnización por extinción da relación laboral…».

Notifíquese esta resolución ás partes e advírtase que contra ela non cabe interpor ningún recurso.

Así, por este auto, mándao e asínao a maxistrada xuíza, Pilar Carreira Vidal, do Xulgado do Social número 5 e o seu partido. Dou fe.

E para que sirva de notificación en legal forma a Kioskos de Galicia, S.L., en ignorado paradoiro, expido este edicto para a súa inserción no Boletín Oficial da provincia da Coruña.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 31 de outubro de 2019

A letrada da Administración de xustiza