No Xulgado do Contencioso-Administrativo número 1 de Santiago de Compostela tramítase o recurso 390/2019 (procedemento abreviado), interposto por Joaquín Jiménez Sierra fronte á desestimación por silencio do recurso de reposición interposto contra a Resolución do 7 de maio de 2019, da Dirección Xeral de Recursos Humanos, pola que se publican a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías de persoal estatutario (categoría: enfermeiro/a) no DOG núm. 94, do 20 de maio.

O recorrente non está de acordo coa puntuación acadada na epígrafe de experiencia profesional.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de outubro de 2019

Margarita Prado Vaamonde
Directora xeral de Recursos Humanos