Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento execución de títulos xudiciais 196/2019 deste xulgado do social, seguido por instancia de Ana María Lois Romero contra Three Compliance, S.L. e Fondo de Garantía Salarial, se ditaron as seguintes resolucións, cuxa parte dispositiva é do teor literal seguinte:
Auto:
Maxistrada xuíza: Paula Méndez Domínguez.
Santiago de Compostela, 3 de outubro de 2019.
Parte dispositiva:
Dispoño despachar orde xeral de execución da sentenza 390/2019, do 28 de agosto, ditada no procedemento DSP 321/2019, a favor da parte executante, Ana María Lois Romero, fronte a Three Compliance, S.L. e Fondo de Garantía Salarial, parte executada, por importe de 2.994,75 euros en concepto de principal (indemnización) máis outros 299,47 euros que se fixan provisionalmente en concepto de xuros que, se é o caso, se poidan devindicar durante a execución e as custas desta, sen prexuízo da súa posterior liquidación. En caso de eventual resposabilidade do Fogasa, esta limítase a 2.578,81 euros.
Contra este auto poderá interpoñerse recurso de reposición ante este órgano xudicial, no prazo dos tres días hábiles seguintes ao da súa notificación, no cal ademais de alegar as posibles infraccións en que puidese incorrer a resolución e o cumprimento ou incumprimento dos presupostos e requisitos procesuais exixidos, poderá deducirse a oposición á execución despachada, aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que acaecesen con posterioridade á constitución do título. A compensación de débedas non será admisible como causa de oposición á execución.
Así o acorda e asina SSª. Dou fe.
A maxistrada xuíza. A letrada da Administración de xustiza.
Decreto:
Letrada da Administración de xustiza: María Teresa Vázquez Abades.
Santiago de Compostela, 3 de outubro de 2019
Parte dispositiva:
Acordo, en cumprimento do requisito que se contén no artigo 276.3 e previo á estimación na presente executoria da pervivencia da declaración de insolvencia da parte executada, Three Compliance, S.L. e, dar audiencia previa á parte demandante, Ana María Lois Romero, e ao Fondo de Garantía Salarial, por termo de quince (15) días para que poidan sinalar a existencia de novos bens, e do seu resultado acordarase o procedente.
Modo de impugnación. Contra a presente resolución cabe recurso directo de revisión, que deberá interpoñerse ante o presente órgano xudicial no prazo de tres días hábiles seguintes á notificación desta, con expresión da infracción cometida nela a xuízo do recorrente (artigo 188 da LXS).
A letrada da Administración de xustiza.
E para que sirva de notificación en legal forma a Three Compliance, S.L., en ignorado paradoiro, expido o presente edicto para a súa inserción no Diario Oficial de Galicia.
Santiago de Compostela, 3 de outubro de 2019
A letrada da Administración de xustiza
