Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 121/2019 deste xulgado do social, seguido por instancia de Almudena Díaz de Pablo contra María Dolores Ferreiro Varela e Fogasa, se ditou a seguinte resolución cuxa parte dispositiva é do teor literal seguinte:

Decreto:

Letrada da Administración de xustiza: María Iria Román Vidarte.

Santiago de Compostela, 2 de setembro de 2019

Parte dispositiva:

Acordo:

a) Declarar a executada, María Dolores Ferreiro Varela, en situación de insolvencia total por importe de 2.809,52 euros en concepto de principal (2.464,25 euros en concepto de diferenzas salariais, salarios, vacacións devindicadas e non desfrutadas, horas extra; 326,87 euros en concepto de xuros do artigo 29.3 do Estatuto dos traballadores sobre os conceptos salariais que comportan 2.074,93 euros; 18,4 euros en concepto de xuros do artigo 1108 do Código civil sobre a compensación económica de vacacións non desfrutadas que comportan 389,32 euros), máis outros 280,95 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.

b) Arquivar as actuacións logo de anotación no libro correspondente, sen prexuízo de reabrir a execución se no sucesivo se coñecen novos bens da executada.

c) Unha vez que sexa firme esta resolución, inscríbase no rexistro correspondente.

d) Expedir os testemuños das resolucións procedentes, que se entregarán á parte executante na oficina xudicial deste xulgado.

Modo de impugnación. Contra esta resolución cabe recurso directo de revisión que se deberá interpor ante quen dita a resolución no prazo de tres días hábiles seguintes ao da súa notificación, con expresión da infracción cometida nela ao xuízo da recorrente (artigo 188 da Lei reguladora da xurisdición social (LXS).

A letrada da Administración de xustiza.

Para que sirva para efectos publicitarios a declaración de insolvencia de María Dolores Ferreiro Varela, insírase no Diario Oficial de Galicia.

Santiago de Compostela, 24 de setembro de 2019

A letrada da Administración de xustiza