Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 189 Venres, 4 de outubro de 2019 Páx. 44241

VI. Anuncios

b) Administración local

Concello de San Cibrao das Viñas

ANUNCIO de notificación de orde de execución ao titular do predio 32076A501003900000YL, ao abeiro da Lei 3/2007, do 9 de abril, de prevención e defensa contra os incendios forestais de Galicia.

Ao non ser posible a notificación de forma habitual, e segundo o establecido no artigo 44 da Lei 39/2015, do 1 de outubro, do procedemento administrativo común das administracións públicas, así como o establecido no artigo 22 da Lei 3/2007, do 9 de abril, de prevención e defensa contra os incendios forestais de Galicia, modificada pola Lei 9/2017, do 26 de decembro, de medidas fiscais e administrativas, e polo artigo 20 da Lei 3/2018, do 26 de decembro, de medidas fiscais e administrativas, ponse en coñecemento de Antonio Iglesias Chaves o seguinte:

«Unha vez visto o expediente 1026/2019, con data do 8 de agosto de 2019, relativo ao incumprimento das obrigas previstas no artigo 2 da Lei 3/2007, do 9 de abril, de prevención e defensa contra os incendios forestais de Galicia, respecto ao predio coa referencia catastral 32076A501003900000YL, localizado no polígono 501, parcela 390, aldea do Rego-Soutopenedo, cunha extensión de 2.350 m2, e rexistrado no Catastro a nome de Antonio Iglesias Chaves.

En cumprimento do disposto na Lei 3/2007, do 9 de abril, de prevención e defensa contra os incendios forestais de Galicia, requírese o propietario, arrendatario ou usufrutuario do predio coa referencia catastral 32076A501003900000YL, localizado no polígono 501, parcela 390, e rexistrado no Catastro a nome do titular Antonio Iglesias Chaves, para que no prazo de quince (15) días execute os traballos de limpeza da maleza existente no predio de referencia, coa advertencia da facultade do Concello da realización da execución subsidiaria ou ben forzosa, mediante a imposición de multas coercitivas, e de que está obrigado a facilitar o necesario acceso para a realización dos traballos de xestión de biomasa».

San Cibrao das Viñas, 23 de setembro de 2019

M. Pedro Fernández Moreiras
Alcalde