O Pleno da Deputación Provincial de Pontevedra, na sesión ordinaria que tivo lugar o día 26 de xullo de 2019, acordou aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, a delegación que realizou o Concello de Barro por acordo da Xunta de Goberno Local na sesión con data do 19 de xullo de 2019, das facultades de xestión, liquidación, inspección e recadación en voluntaria e executiva dos ingresos correspondentes a taxa por prestación dos servizos de abastecemento, saneamento e depuración de augas residuais no polígono industrial de Outeda-Curro, con carácter transitorio ata a data de inicio da concesión que se adxudique para a xestión de ditos servizos.
A citada delegación aprobada posteriormente polo Pleno do Concello de Barro na sesión do día 31 de xullo de 2019 realizarase pola Deputación Provincial de Pontevedra a través dos seus servizos tributarios.
O que se fai público para xeral coñecemento e demais efectos.
Pontevedra, 9 de agosto de 2019
A presidenta da Deputación Provincial de Pontevedra |
Carlos Cuadrado Romay |