De conformidade co previsto no artigo 9.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á Resolución do 19 de agosto de 2019 do Servizo Galego de Saúde, pola que se encomenda á Axencia Galega para a Xestión do Coñecemento en Saúde a xestión da formación dos e das profesionais da Rede de atención ás drogodependencias, derivada da organización da actividade formativa Suicidio: estratexias de prevención e actuacións terapéuticas:
– Actividade: a axencia asumirá a xestión da asistencia e avaliación do alumnado proposto para a actividade.
Tamén asumirá a programación, planificación e xestión das actividades formativas propostas polo Servizo de Saúde Mental e asistencia a drogodependencias, dentro dos límites orzamentarios establecidos.
– Natureza e alcance da xestión encomendada: o encargo ten natureza de encarga a medio propio, de acordo co disposto nos artigos 47 e seguintes da Lei 16/2010, do 17 de decembro, e no artigo 13 da Lei 14/2013, do 26 de decembro, de racionalización do sector público autonómico. Tal condición de medio propio vén contemplada no artigo 5 do Decreto 112/2015, do 31 de xullo, polo que se crea a Axencia Galega para a Xestión do Coñecemento en Saúde e se aproban os seus estatutos.
– Prazo de vixencia: esta encomenda producirá efectos a partir da súa publicación no Diario Oficial de Galicia, e manterase ata que se executen de conformidade e na súa totalidade as actividades encomendadas.
Santiago de Compostela, 19 de agosto de 2019
Jesús Vázquez Almuíña
Presidente do Servizo Galego de Saúde