Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 150/2019 deste xulgado do social, seguido por instancia de Ramiro José Triana Frechilla contra Seguridad y Planificación Galicia, S.L., Montserrat Vale Santos, Fogasa, se ditaron as seguintes resolucións:
«Auto:
Maxistrada xuíza: Elena Calleja Curros.
Santiago de Compostela, 17 de xullo de 2019.
Parte dispositiva:
Dispoño: non procede despachar a execución interesada, por encontrarse a entidade executada Seguridad y Planificación Galicia, S.L., en fase de liquidación concursal, acordada por auto de data 28 de xullo de 2017, ditado polo Xulgado do Mercantil número 2 da Coruña.
Arquívense as actuacións logo de baixa no libro correspondente.
Modo de impugnación: mediante recurso de reposición, que se interporá no prazo dos tres días hábiles seguintes á súa notificación, con expresión da infracción cometida na resolución a xuízo do recorrente, sen que a interposición do recurso teña efectos suspensivos con respecto á resolución impugnada (artigos 186 e 187 da LXS).
Así o acorda e asina a súa señoría. Dou fe.
A maxistrada xuíza. |
A letrada da Administración de xustiza. |
Dilixencia de ordenación:
Letrada da Administración de xustiza: María Teresa Vázquez Abades.
Santiago de Compostela, 1 de agosto de 2019.
Tense por presentado o precedente escrito por Ramiro José Triana Frechilla, interpoñendo recurso de reposición, ao abeiro do que dispón o artigo 186.2 da LXS e, á vista de que este cumpre cos requisitos que para a súa admisión establecen os artigos 186.4 e 187.1 da LXS, admítese este a trámite.
Déase traslado por tres días ás partes para a súa impugnación, se o consideran conveniente.
Modo de impugnación: mediante recurso de reposición, que se interporá ante quen dita esta resolución, no prazo de tres días hábiles seguintes á súa notificación, con expresión da infracción que a xuízo do recorrente contén, sen que a interposición do recurso teña efectos suspensivos con respecto á resolución impuganada.
A letrada da Administración de xustiza».
E para que lle sirva de notificación en legal forma a Seguridad y Planificación Galicia, S.L., en ignorado paradoiro, expido o presente para a súa inserción no Diario Oficial de Galicia.
Santiago de Compostela, 1 de agosto de 2019
A letrada da Administración de xustiza