Eu, María Mercedes Santos García, letrada da Administración de xustiza do Xulgado do Social número 5 da Coruña, fago saber que no procedemento seguridade social 727/2018 deste xulgado do social, seguido por instancia de José Rey Trasmonte contra Instituto Social da Mariña, Tesouraría Xeral da Seguridade Social, Ecodragas, S.L., sobre seguridade social, se ditou, con data do 19 de xuño de 2019, sentenza cuxa resolución é do teor literal seguinte:

Resolvo:

Que debo estimar e estimo a demanda interposta por José Rey Trasmonte contra o Instituto Social da Mariña e a entidade Ecodragas, S.L. e, en consecuencia:

1ª. Debo declarar e declaro o dereito de José Rey Trasmonte a percibir unha pensión de xubilación sobre unha base reguladora de 1.716,68 € mensuais, con efectos do 5 de xullo de 2017, cos aumentos, melloras e revalorizacións que correspondan.

2º. Debo condenar e condeno o Instituto Social da Mariña a se ater a tal declaración e ao recoñecemento da pensión de xubilación citada, con obriga de anticipar o pagamento da pensión correspondente á base reguladora recoñecida.

2º. E así mesmo, debo condenar e condeno a que a entidade Ecodragas, S.L. constitúa ante a Tesouraría Xeral da Seguridade Social o capital custo da diferenza da pensión de xubilación recoñecida e a que lle correspondería percibir, en atención á diferenza mensual de 30,1 €, con efectos desde o 5 de xullo de 2017, data de recoñecemento.

Notifíquese a presente resolución ás partes e fágaselles saber o seu dereito a interpor contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Advírtase o recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 € do depósito especial indicado no artigo 229.1.a) da Lei reguladora da xurisdición social (estas cantidades deberán ser aboadas, se é por transferencia bancaria, na conta que este xulgado ten no Banco Santander co nº ES55 0049 3569 92 0005001274 e consignar no concepto os seguintes díxitos: 4757000065 e nº de expediente con 6 díxitos (4 para o nº e 2 para o ano) e, se é fisicamente, nunha oficina do Banco Santander na conta nº 4757000065 e nº de expediente con 6 díxitos (4 para o nº e 2 para o ano), acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado a cantidade obxecto de condena, ou formalizar aval bancario pola dita cantidade, en que se faga constar a responsabilidade solidaria do avalista, e incorporalos a este xulgado co anuncio de recurso.

En todo caso, o recorrente deberá designar letrado para a tramitación do recurso, no momento de anuncialo.

Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.

Así, por esta miña sentenza, pronúncioo, mándoo e asínoo.

E para que sirva de notificación en legal forma a Ecodragas, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 10 de xullo de 2019

A letrada da Administración de xustiza