Ponse en coñecemento dos interesados na reestruturación parcelaria da zona de Santo Estevo de Pol (Pol-Lugo), declarada de utilidade pública e urxente execución polo Decreto 95/2011, do 12 de maio (DOG núm. 102, do 27 de maio), o seguinte:

Primeiro. Que con data do 27 de xuño de 2019, o director xeral de Desenvolvemento Rural aprobou o Acordo de reestruturación parcelaria da zona de Santo Estevo de Pol (Pol-Lugo).

Segundo. O Acordo de reestruturación seralle notificado individualmente a cada un dos afectados e estará exposto ao público no Concello de Pol. O documento que se pode examinar no dito concello inclúe, entre outros, o plano dos predios resultantes.

Terceiro. De conformidade co disposto no artigo 36 da Lei 4/2015, do 17 de xuño, de mellora da estrutura territorial agraria de Galicia, os interesados poderán interpoñer recurso de alzada ante a persoa titular da Consellería do Medio Rural, no prazo dun mes, contado desde o día seguinte ao da recepción da notificación individual ou publicación substitutiva.

Os recursos poderanse presentar no Rexistro do Edificio Administrativo de Lugo, situado na rolda da Muralla, 70, Lugo; no Rexistro Xeral da Xunta de Galicia, situado no Edificio Administrativo San Caetano, s/n, Santiago de Compostela; ou en calquera dos rexistros sinalados no artigo 16.4 da Lei 39/2015, do 1 de outubro, do procedemento administrativo común das administracións públicas.

Os planos do acordo están accesibles na internet na páxina web da Consellería do Medio Rural, no seguinte enderezo: https://ovmediorural.xunta.gal/gl/consultas-publicas/concentracions-parcelarias-publicacions

Lugo, 15 de xullo de 2019

María Olga Iglesias Fontal
Xefa territorial de Lugo